1 րոպեի ընթերցում
ԵՐԵՎԱՆ, 5 ՀՈՒԼԻՍԻ, ԱՐՄԵՆՊՐԵՍ:Գարեգին Բ Ամենայն Հայոց Կաթողիկոսը Մայր Աթոռ Ս. Էջմիածնում այսօր ընդունել Է ԵԽԽՎ գլխավոր քարտուղար Բրունո Հալերին և իր պատվիրակությանը՝ ՀՀ Ազգային ժողովի աշխատակազմի ղեկավար Հայկ Քոթանյանի և ԵԽ-ում ՀՀ դեսպան Քրիստիան Տեր-Ստեփանյանի ուղեկցությամբ: Ինչպես հայտնեցին Մայր Աթոռի տեղեկատվական համակարգից, հանդիպման ընթացքում Նորին Սրբությունը գոհունակություն Է արտահայտել այն կապերի ու հարաբերությունների համար, որ ձևավորվում են Հայաստանի Հանրապետության և Եվրոխորհրդի միջև՝ վստահություն հայտնելով, որ այսօրինակ այցերը, անտարակույս, իրենց դրական ներգործությունն ու ազդեցությունը կունենան Հայաստանի Հանրապետության՝ Եվրոմիությանն անդամագրվելու գործընթացի վրա: Իր հերթին պրն. Հալերը հանգամանորեն ներկայացրել Է Խորհրդարանական Վեհաժողովի գործունեությունը: ԵԽԽՎ գլխավոր քարտուղարը կարևորել Է միջխորհրդարանական համագործակցությունը, անդրադարձավ նաև մարդկության զարգացման գործում քրիստոնեության և քրիստոնեական արժեքների կարևոր դերին ու նշանակությանը: