1 րոպեի ընթերցում
ԷՋՄԻԱԾԻՆ, 8 ՄԱՐՏԻ, ԱՐՄԵՆՊՐԵՍ: Ն.Ս.Օ.Տ.Տ. Գարեգին Բ Ամենայն Հայոց կաթողիկոսը շնորհավորական ուղերձ է հղել կանանց տոնի առիթով: Դրանում ասված է. «Մայր Աթոռ Սուրբ Էջմիածնից Հայրապետական մեր օրհնությունն ենք բերում եւ շնորհավորում բոլոր կանանց մարտի 8-ի տոնական առիթով: Մեր հայցն է, որ Աստված Իր հանապազ խնամքի ներքո պահի բոլոր մայրերին, քույրերին ու դստրերին եւ զորացնի աստվածօրհնյալ հույսի, հավատի ու սիրո մեջ, որպեսզի շնորհներով ու առաքինություններով զարդարյալ՝ կրթեն ու մեծացնեն արժանավոր զավակներ եւ իրենց ձեռքբերումներով ու նվաճումներով նորանոր ավանդներ բերեն հայրենական մեր կայնքի տարբեր ասպարեզներում: Այսօր կանայք գիտնականներ են ու տնտեսվարներ, ուսուցիչներ, արվեստի մշակներ, մասնակից են պետական կառավարմանը եւ ամենուր նախանձախնդիր են եւ պատրաստակամ: Թող Տերը քաջառողջ ու եռանդաշատ պահպանի տիկնանց եւ օրիորդաց, զորացնի իրենց կոչման մեջ՝ լինելու խարիսխն ընտանիքի, խտացումը սիրո, հավատարմության ու անձնուրաց նվիրումի, և միշտ ունկնդիր լինի խաղաղության, բարօրության ու երջանկության հայցով երկինք բարձրացող նրանց աղոթքներինե: