Ն.Ս.Օ.Տ.Տ. Գարեգին Բ Ամենայն Կաթողիկոսն ընդունեց Բուլղարիայի արտաքին գործերի նախարար, ԵԱՀԿ գործող նախագահ Սողոմոն Պասսիին
2 րոպեի ընթերցում
ԷՋՄԻԱԾԻՆ, 17 ՄԱՐՏԻ. ԱՐՄԵՆՊՐԵՍ:Ն.Ս.Օ.Տ.Տ. Գարեգին Բ Ամենայն Հայոց Կաթողիկոսը Մայր Աթոռ Ս. Էջմիածնում այսօր ընդունեց Բուլղարիայի ԱԳ նախարար, ԵԱՀԿ գործող նախագահ Սողոմոն Պասսիին: Ինչպես հայտնեցին Մայր Աթոռի մամլո դիվանից, հանդիպման ընթացքում խոսվել Է Հայ Եկեղեցու առաջ ծառացած խնդիրների, Արցախի հիմնախնդրի բանակցային գործընթացի արդի վիճակի և տարածաշրջանում կայունության ու խաղաղության պահպանման անհրաժեշտության մասին: Այս առիթով Նորին Սրբությունը ԵԱՀԿ գործող նախագահին տեղեկացրել Է՝ Համայն Ռուսիո Ալեքսի Բ Պատրիարքի հրավերով տարածաշրջանի հոգեւոր առաջնորդների հանդիպումների մասին: Ամենայն Հայոց Հայրապետը նաև իր մտահոգությունն Է հայտնել Ադրբեջանում վերջերս հաճախակի հնչող ռազմատենչ արտահայտությունների առնչությամբ: Պրն. Սողոմոն Պասսին շնորհակալություն Է հայտնել Ամենայն Հայոց Հայրապետին ջերմ ընդունելության համար։ Ընդգծելով, որ եկեղեցին մեծ դեր ունի հակամարտությունների լուծման խնդրում՝ պրն. Պասսին նշել Է նաեւ Ամենայն Հայոց Հայրապետի ավանդն այս գործում։ «Մեր մտածումն է, որ խնդրի միակ լուծումը բանակցություններն են: Եվ ինչպես ճիշտ նկատեց Ձերդ Սրբությունը, եկեղեցին կենսական դեր ունի հակամարտությունների լուծման հարցում: Մենք կարիքն ունենք երկխոսության ոչ միայն այսօր, այլև ապագայումե,-նշել Է ԵԱՀԿ գործող նախագահը: Վեհափառ Հայրապետը նաև գոհունակությամբ անդրադարձել Է 2002թ. իր այցելությանը Բուլղարիա, ուր հանդիպումներ էր ունեցել Բուլղար Ուղղափառ եկեղեցու գահակալ Մաքսիմ պատրիարքի, պետական բարձրաստիճան այրերի, ինչպես նաև հայ համայնքի հետ: Հանդիպմանը մասնակցել են Մայր Աթոռի դիվանապետ Տ. Արշակ վրդ. Խաչատրյանը, ՀՀ-ում Բուլղարիայի գործերի ժամանակավոր հավատարմատար Ստեýան Դիմիտրովը, Բուլղարիայի հայ համայնքի ներկայացուցիչներ: