Գարեգին Բ Ամենայն Հայոց կաթողիկոսն ընդունել է շախմատի աշխարհի 10- րդ չեմպիոն Բորիս Սպասսկուն

ԷՋՄԻԱԾԻՆ, 8 ՄԱՐՏԻ, ԱՐՄԵՆՊՐԵՍ: Մարտի 7-ին Մայր Աթոռ Ս. Էջմիածնում Ն.Ս.Օ.Տ.Տ. Գարեգին Բ Ամենայն Հայոց կաթողիկոսն ընդունել է շախմատի աշխարհի 10- րդ չեմպիոն, անվանի գրոսմայստեր Բորիս Սպասսկուն: Ինչպես հայտնեցին Մայր Աթոռի մամլո դիվանից, ողջունելով պատվավոր հյուրի այցն Էջմիածին` Վեհափառ հայրապետն իր գնահատանքն ու բարեմաղթանքներն է հղել նրան: Հանդիպման ընթացքում խոսվել է Հայաստան եւ Արցախ այցելության նրա առաքելության, ինչպես նաեւ շախմատի ներկայիս խնդիրների մասին: Հանդիպմանը ներկա են եղել Կոտայքի թեմի առաջնորդ Տ. Առաքել եպս. Քարամյանը, ՀՀ շախմատի ýեդերացիայի նախագահ Վանիկ Զաքարյանը, «Չեսսե շախմատային ակադեմիայի հիմնադիր Սմբատ Լպուտյանը եւ ուրիշներ: