1 րոպեի ընթերցում
ԵՐԵՎԱՆ, 6 ՀՈԿՏԵՄԲԵՐԻ, ԱՐՄԵՆՊՐԵՍ: Ն.Ս.Օ.Տ.Տ. Գարեգին Բ Ամենայն Հայոց կաթողիկոսը, ընդառաջելով Բրազիլիայի Հայոց Թեմի առաջնորդ Գերաշնորհ Տ. Տաթև արքեպիսկոպոս Ղարիբյանի խնդրանքին, այսօր Մայր Աթոռ Սուրբ Էջմիածնում, ավագ քահանայության պատիվ շնորհեց Բրազիլիայի Հայոց թեմի հոգևոր սպասավոր, Օզասկոյի Ս. Հովհաննես եկեղեցու հոգևոր հովիվ Տ. Պողոս քհն. Պարոնյանին՝ ի գնահատություն արդյունաշատ ծառայության։ Ինչպես հայտնեցին Մայր Աթոռի մամլո դիվանից, Վեհափառ Հայրապետը համոզմունք Է հայտնել, որ 20-ամյա քաջ ու բարի հովվի իր փորձառությամբ Տեր Հայրը կշարունակի ծառայել ի շահ հայոց գաղութի բարօրության։ «Դուք պետք է լինեք ոգին հայոց գաղութի և Ձեր ոգուց պիտի կայծ առնի հայաշունչ կյանքը: Առաջնորդեցեք հայորդիներին առավել նախանձախնդրությամբ և ծառայասիրության ու հայրենասիրության Ձեր անձնական օրինակովե, - նշել Է Նորին Սրբությունը: