2 րոպեի ընթերցում
ԷՋՄԻԱԾԻՆ, 18 ՕԳՈՍՏՈՍԻ, ԱՐՄԵՆՊՐԵՍ: Ն.Ս.Օ.Տ.Տ. Գարեգին Բ Ամենայն հայոց կաթողիկոսը օգոստոսի 16-ին Մայր Աթոռ Ս. Էջմիածնում հանուն «Մատենադարանի բարեկամներե բարեգործական հիմնադրամի պատվոգիր է հանձնել Քաջարանի պղնձամոլիբդենային կոմբինատի տնօրեն Մաքսիմ Հակոբյանին: Ինչպես հայտնեցին Մայր Աթոռի մամլո դիվանից, հանդիսավոր արարողության ընթացքում Մեսրոպ Մաշտոցի անվան Մատենադարանի տնօրեն Սեն Արևշատյանը ներկայացրել է «Մատենադարանի բարեկամներե բարեգործական հիմնադրամի առաքելությունը, անդրադարձել Մատենադարանի աշխատանքներին Մայր Աթոռ Ս. Էջմիածնի, ինչպես նաեւ Մաքսիմ Հակոբյանի աջակցությանը: Բարձր գնահատելով բարերարի ազգաշեն և եկեղեցանպաստ գործունեությունը՝ Վեհափառ Հայրապետն իր օրհնության խոսքում նշել է. «Մեզ համար հոգևոր տաճարի խորհուրդ ունի Մատենադարանը, որտեղ պահվում են մեր հայրերի աղոթքներով ստեղծված մատյաններն ու հոգևոր արժեքները: ...Մատենադարանը հարստությունն է ազգի: Յուրաքանչյուր ներդրում Մատենադարանի առաքելության մեջ, նրա գիտական աշխատանքների զարգացման գործում, նշանակում է՝ մասնակցություն ունենալ ազգային կյանքի կերտմանըե: Մ.Հակոբյանը դեռևս 2002թ. հոկտեմբերին իր նվիրական եկեղեցաշեն գործունեության համար արժանացել էր Հայաստանյայց Առաքելական Ս. Եկեղեցու բարձրագույն «Սբ. Գրիգոր Լուսավորիչե պատվո շքանշանի: