ԵՀԽ գործադիր վարչության ժողովը նախագահել է Արամ Ա կաթողիկոսը

ԺՆԵՎ, 28 ՕԳՈՍՏՈՍԻ, ԱՐՄԵՆՊՐԵՍ:© Մեծի Տանն Կիլիկիո Արամ Ա կաթողիկոսը Ժնևում, օգոստոսին 23-26-ը նախագահել է Եկեղեցիների համաշխարհային խորհրդի գործադիր վարչության ժողովը: 30 հոգուց բաղկացած այս կառույցը որոշումների իրականացմանը հետեւող մարմին է, որ հավաքվում է տարին երկու- երեք անգամ տարբեր առիթներով: Ինչպես տեղեկացնում է Անթիլիասի մամլո դիվանը, այս հանդիպման ընթացքում քննարկվել են ԵՀԽ տարբեր կառույցների գործունեության հետ կապված խնդիրներ ու ծրագրեր, նաև տնտեսական ու այլ հարցեր: Վեահափառ Հայրապետը, որպես Եկեղեցիների համաշխարհային խորհրդի ատենապետ թե՛ ժողովի բացմանն արտասանած իր խոսքում և թե՛ տարբեր հարցերի քննարկման ընթացքում եւ փակման խոսքում ընդգծել է ԵՀԽ-ի միասնականությունը, ամբողջականությունն ու կենսունակությունը պահելու անհրաժեշտութիւնը: Խորհուրդը պետք է հետապնդի այնպիսի նախանձախնդրություններ, ասել է Վեհափառը, որոնք եկեղեցու առաքելությունն ընկերության կյանքում դարձնեն ազդու: