368.54
Գարեգին Բ Կաթողիկոսն ընդունեց ՄԱԿ-ի ներկայացուցիչներին
1 րոպեի ընթերցում
ԷՋՄԻԱԾԻՆ, 1 ՀՈՒԼԻՍԻ. ԱՐՄԵՆՊՐԵՍ: Ն.Ս.Օ.Տ.Տ. Գարեգին Բ Ամենայն Հայոց Կաթողիկոսն այսօր ընդունել Է ՄԱԿ-ի փախստականների հարցով գերագույն հանձնակատարի տեղակալ Կամել Մորջանեին եւ Հայաստանում հանձնակատարի ներկայացուցիչ Լլոյդ Դեյքին։ Ըստ Մայր Աթոռի մամլո դիվանի, ողջունելով ՄԱԿ-ի ներկայացուցիչներին՝ Վեհափառ Հայրապետն իր գնահատանքն է հայտնել այն բոլոր ծառայությունների համար, որ իրականացնում են Հայաստանում՝ հոգածություն դրսեւորելով հայ փախստականների նկատմամբ։ «Անշուշտ խնդիրները դեռ շատ են։ Գիտենք նաեւ, որ եկեղեցին այս ասպարեզում կարեւոր առաքելություն ունիե,- ասել է Նորին Սրբությունը՝ պատրաստակամություն հայտնելով աջակցել փախստականների օգնության գործին։ Իր հերթին պրն. Մորջանեն անդրադարձել է Հայաստանում իրականացվող ծրագրերին։
Բաժանորդագրվեք մեր ալիքին Telegram-ում