2 րոպեի ընթերցում
Տյառնընդառաջի նախատոնակը՝ Մայր Աթոռ Սբ. Էջմիածնում ԷՋՄԻԱԾԻՆ, 13 ՓԵՏՐՎԱՐԻ, ԱՐՄԵՆՊՐԵՍ: Փետրվարի 13-ին Տյառնընդառաջի տոնի առիթով Ն.Ս.Օ.Տ.Տ. Գարեգին Բ Ամենայն հայոց կաթողիկոսի հանդիսապետությամբ Արտաշատում տեղի ունեցավ նորապսակների օրհնության արարողություն։ Ինչպես հայտնեցին Մայր Աթոռի մամլո դիվանից, Վեհափառ Հայրապետն իր օրհնությունն ու պատգամն Է տվել Արտաշատի ու շրջակա բնակավայրերի շուրջ 100 նորապսակ զույգերի՝ մաղթելով «Տիրոջ հանապազ խնամքն ու պահպանությունը նորահաստատ բոլոր ընտանիքներինե։ Արարողությանն իր մասնակցությունն Է բերել ՀՀ նախագահ Ռոբերտ Քոչարյանը։ Վեհափառ Հայրապետին ուղեկցում էին Արարատյան Հայրապետական թեմի առաջնորդական փոխանորդ Տ. Նավասարդ եպս. Կճոյանը, Մայր Աթոռ Սբ Էջմիածնի դիվանապետ Տ. Արշակ վրդ. Խաչատրյանը։ Վեհափառ Հայրապետը, վերադառնալով Մայր Աթոռ Սբ Էջմիածին, երեկոյան ժամը 17.00-ին եկեղեցական թափորով առաջնորդվել Է Մայր Տաճար՝ հանդիսապետելու Տյառնընդառաջի նախատոնակի եւ անդաստանի արարողությունները։ Նախատոնակով ավետվել Է Տերունական տոնի սկիզբը։ Ապա կատարվել Է անդաստանի արարողություն, որի ընթացքում օրհնվել են աշխարհի չորս ծագերը։ Անդաստանին հաջորդել Է մոմերի օրհնության կարգը, որոնց կրակով Մայր Աթոռ Սբ Էջմիածնի բակում բոցավառվել Է ավանդական խարույկը՝ իբրեւ Քրիստոսի լույսի խորհրդանիշ։