2 րոպեի ընթերցում
Բելառուսի արտգործնախարարին ԷՋՄԻԱԾԻՆ, 17 ՀՈԿՏԵՄԲԵՐԻ, ԱՐՄԵՆՊՐԵՍ: Ն.Ս.Օ.Տ.Տ. Գարեգին Բ Ամենայն կայոց կաթողիկոսն այսօր ընդունել է Բելառուսի Հանրապետության արտաքին գործերի նախարար Սերգեյ Մարտինովին և նրա գլխավորած պատվիրակությանը: Նախարարին ուղեկցել են Բելառուսում Հայաստանի Հանրապետության արտակարգ եւ լիազոր դեսպան Սուրեն Հարությունյանը, Հայաստանում Բելառուսի Հանրապետության արտակարգ եւ լիազոր դեսպան Մարինա Դոլգոպոլովան, պաշտոնատար այլ անձինք։ Ինչպես հայտնեցին Մայր Աթոռի մամլո դիվանից, հանդիպման ընթացքում խոսվել է եկեղեցի-պետություն հարաբերությունների, Հայ Առաքելական և Բելառուսի Ուղղափառ եկեղեցիների առջեւ ծառացած մարտահրավերների մասին: Վեհափառ հայրապետը գոհունակությամբ նշել է նաև երկու երկրների միջեւ առկա եղբայրական հարաբերությունները: «Մեր գնահատանքն ենք հայտնում Բելառուսի իշխանություններին այն ուշադիր և բարյացակամ վերաբերմունքի համար, որ դրսևորում են մեր ժողովրդի զավակների հանդեպ, որոնք ապրում են Բելառուսում: Մեր աղոթքն ենք վերառաքում առ Աստված, որպեսզի Տերը պահի և պահպանի իր հովանավոր Աջի ներքո խաղաղության, սիրո, համագործակցության և եղբայրության մեջ աշխարհը համայն և մնայուն առաջընթաց պարգևի մեր երկու պետություններին, որպեսզի ապահովեն մեր ժողովուրդների համար երջանիկ ու բարօր կյանքե, -ասել է Նորին Սրբությունը: Շնորհակալություն հայտնելով ընդունելության համար, Ս.Մարտինովը կարևորել է պետության և եկեղեցու դերն ազգային-հոգևոր և մշակութային արժեքների պահպանման գործում։ Բելառուսի արտգործնախարարը Վեհափառ հայրապետին հայտնել է նաեւ իր շնորհավորանքը Սբ Էջմիածնի Մայր Տաճարի օծման 1700-ամյակի առիթով: