1 րոպեի ընթերցում
ԷՋՄԻԱԾԻՆ, 27 ՍԵՊՏԵՄԲԵՐԻ. ԱՐՄԵՆՊՐԵՍ: Սեպտեմբերի 27-ին Ն.Ս.Օ.Տ.Տ. Գարեգին Բ Ամենայն Հայոց կաթողիկոսն ընդունեց Սարատովի երկրամասի նահանգապետ Դմիտրի Այացկովին: Ինչպես հայտնեցին Մայր Աթոռի մամլո դիվանից, հանդիպման ընթացքում խոսվել է երկու ուղղափառ ժողովուրդների բարեկամության ու օրավուր սերտացող կապերի մասին: Դ. Այացկովը Վեհափառ Հայրապետին վստահեցրել է, որ հայաշատ Սարատովում հայերն ապրում են ապահով՝ կարողանալով պահպանել իրենց լեզուն, հավատքը, մշակույթն ու ազգային ավանդույթները: Նահանգապետը Վեհափառ Հայրապետին ներկայացրել է նաեւ երկրամասի կրոնական կյանքը, նշելով հայ բնակչության բարեպաշտ մասնակցությունը այդ կյանքին: