368.54
Գարեգին Բ կաթողիկոսն ընդունել է «Ճապոնիա-Հայաստան բարեկամությունե միության անդամներին
1 րոպեի ընթերցում
ԵՐԵՎԱՆ, 12 ՕԳՈՍՏՈՍԻ. ԱՐՄԵՆՊՐԵՍ: Գարեգին Բ Ամենայն հայոց կաթողիկոսը շաբաթ օրն ընդունել է «Ճապոնիա-Հայաստան բարեկամությունե միության անդամներին՝ նրա նախագահ Նակաջիմա Հիդեհարուի գլխավորությամբ: Շուրջ 15 տարի առաջ ստեղծված այս կազմակերպությունը նպատակ ունի ճապոնացի ժողովրդին ներկայացնել Հայաստանը, հայ ժողովրդին, նրա պատմությունը, մշակույթն ու լեզուն: Իսկ միության հայ անդամների ջանքերով ուսումնական այս տարվանից Հայաստանի հանրակրթական դպրոցներից մեկում ճապոներենը կարող է ուսուցանվել որպես օտար լեզու: Ինչպես տեղեեկացնում է Մայր Աթոռի մամլո դիվանը, Վեհափառ հայրապետը՝ բարձր գնահատելով ժողովուրդների բարեկամությունը, նկատել է տվել, որ Ճապոնիան այն եզակի երկրներից է, ուր չկա հայկական գաղթօջախ, ինչն էլ առավել գնահատելի է դարձնում միության առաքելությունը: Հանդիպման ընթացքում Նորին Սրբությունը հյուրերի խնդրանքով անդրադարձել է նաեւ հայ ժողովրդի կյանքում եկեղեցու ունեցած կարեւոր դերակատարությանը, ներկայացրել Հայ եկեղեցու պատմությունը:
Բաժանորդագրվեք մեր ալիքին Telegram-ում