368.54
Գարեգին Բ կաթողիկոսն ընդունեց ՌԴ Անվտանգության խորհրդի նախագահ Վլադիմիր Ռուշայլոյին
1 րոպեի ընթերցում
ԷՋՄԻԱԾԻՆ, 29 ՄԱՅԻՍԻ. ԱՐՄԵՆՊՐԵՍ: Այսօր Ն.Ս.Օ.Տ.Տ. Գարեգին Բ Ամենայն հայոց կաթողիկոսն ընդունել է ՌԴ Անվտանգության խորհրդի նախագահ Վլադիմիր Ռուշայլոյին՝ ՀՀ Անվտանգության խորհրդի նախագահ, պաշտպանության նախարար Սերժ Սարգսյանի ընկերակցությամբ: Ինչպես նշել է Վլ.Ռուշայլոն, իր համար ավանդույթ է դարձել Հայաստան յուրաքանչյուր այցի ընթացքում այցելել նաեւ հայոց հոգեւոր կենտրոն: Հանդիպման ընթացքում զրուցակիցները ուրախությամբ նշել են հայ-ռուսական կապերի զարգացումն ու ամրապնդումը: Հանդիպմանը ներկա են եղել Նոր Նախիջեւանի եւ Ռուսաստանի հայոց թեմի առաջնորդ Տ. Եզրաս եպս. Ներսիսյանը եւ Հայաստանում Ռուսաստանի դեսպան Անատոլի Դրյուկովը:
Բաժանորդագրվեք մեր ալիքին Telegram-ում