Գարեգին Բ կաթողիկոսն ընդունեց Կորեայի դեսպանին

ԵՐԵՎԱՆ, 18 ՄԱՅԻՍԻ. ԱՐՄԵՆՊՐԵՍ: Գարեգին Բ Ամենայն հայոց կաթողիկոսն այսօր ընդունել է Հայաստանում Կորեայի նորանշանակ արտակարգ եւ լիազոր դեսպան Չոն Տե-Իկին: Ըստ Մայր աթոռի մամլո դիվանի տեղեկատվության, Վեհափառ հայրապետը ողջունել է պրն. Չոն Տե-Իկի առաքելությունը Հայաստանում, վստահություն հայտնելով, որ նորանշանակ դեսպանի ջանքերով առավել են զարգանալու Հայաստանի անկախացումից հետո Կորեայի հետ ձեւավոված հարաբերություններն ինչպես տնտեսական, այնպես էլ մշակութային ոլորտներում: Հանդիպման ընթացքում Վեհափառ հայրապետն անդրադարձել է Հայ եկեղեցու, հայոց հոգեւոր կենտրոն Մայր Աոռ Սբ. Էջմիածնի 1700-ամյա պատմությանն ու առաքելությանը: Պրն. դեսպանը կարեւոր նկատելով Հայ եկեղեցու դերը ժողովրդի կյանքում, Վեհափառ հայրապետին է ներկայացրել նաեւ իր երկրի կրոնական կյանքը: Ինչպես նշել է դեսպանը, ավանդական բուդդիզմի կողքին Կորեայում ապրում են բազմաթիվ քրիստոնյաներ, որոնք կազմում են բնակչության շուրջ 50 տոկոսը: