1 րոպեի ընթերցում
ԷՋՄԻԱԾԻՆ, 2 ՀՈՒԼԻՍԻ. ԱՐՄԵՆՊՐԵՍ: Ն.Ս.Օ.Տ.Տ. Գարեգին Բ Ամենայն հայոց կաթողիկոսն այսօր ընդունել է ԱՊՀ երկրների առողջապահական խորհրդի պատվիրակությանը՝ խորհրդի նախագահ, ՌԴ առողջապահության նախարար Յու. Շեւչենկոյի գլխավորությամբ: Ինչպես հայտնեցին Մայր Աթոռի Մամլո դիվանից, հանդիպման ընթացքում խոսվել է, թե առողջապահական ոլորտի եւ թե եկեղեցու կարեւոր առաքելության մասին, որ մի դեպքում մարդուն պարգեւում է ýիզիկական եւ մյուս դեպքում՝ հոգեւոր առողջություն: Այս առիթով Վեհափառ հայրապետը բարձր է գնահատել առողջապահական ոլորտի սպասավորների աշխատանքը՝ մաղթելով հաջողություն բոլոր բարի նախաձեռնություններում: Զրույցի ընթացքում Վեհափառ հայրապետն անդրադարձել է նաեւ Մայր Աթոռ Սբ. Էջմիածնի պատմությանը, ներկայացրել Հայ եկեղեցու ներկայիս գործունեությունն ու խնդիրները: