2 րոպեի ընթերցում
ԷՋՄԻԱԾԻՆ, 12 ՀՈՒՆՎԱՐԻ. ԱՐՄԵՆՊՐԵՍ: Ն.Ս.Օ.Տ.Տ. Գարեգին Բ Ամենայն Հայոց կաթողիկոսը, տեղեկանալով աշխարհահռչակ ýրանսահայ կինոբեմադրիչ Անրի Վեռնոյի մահվան մասին, ցավակցական հետեւյալ նամակն է հղել արվեստագետի հարազատներին: «Մեծ ցավով տեղեկացանք մեր ժողովրդի եւ Առաքելական Սուրբ Եկեղեցու արժանավոր զավակ, մեծահռչակ արվեստագետ, կինոռեժիսոր Անրի Վեռնոյի մահվան մասին: Հանուն Ամենայն Հայոց Կաթողիկոսության եւ Մայր Աթոռ Սուրբ Էջմիածնի միաբանության, Մեր խորին ցավակցությունն ենք հղում Ձեզ եւ հանգուցյալի բոլոր հարազատներին, արվեստագետ գործընկերներին ու մերձավորներին: Մեր Եկեղեցին, աշխարհսփյուռ հայությունը խոնարհումով է հրաժեշտ տալիս հայազգի տաղանդավոր արվեստագետին, որ ապրեց ու գործեց հոգում միշտ կրելով Հայրենիքի սերը եւ հարազատ ժողովրդի արժեքները: üրանսիայի հյուրընկալ հարկի ներքո ծաղկեցին ու պտուղ տվեցին Անրի Վեռնոյի հոգու շնորհները՝ բացահայտելով հայ ժողովրդի կենսահաստատ ուժը, բարիով, արդարության ու ճշմարտության հաղթանակի հավատով չարը մերժելու Քրիստոսասեր կամքը, որի մեծագույն արտահայտությունն է նրա «Մայրիկըե ýիլմը՝ Հայոց Եղեռնի մասին դեռեւս չգերազանցված ստեղծագործություն, իր համամարդկային հնչողությամբ: Սիրով ու հուզումով ենք միշտ հիշելու լուսահոգի Անրի Վեռնոյին, որին իբրեւ հավատավոր, կենսուրախ ու պայծառ մեծ հայորդու ճանաչեցինք Հովվապետական Մեր այցի ընթացքին Լիոն քաղաքում: Աղոթում ենք, որ Ողորմած Աստված Իր երկնային երանավետ բարձունքներում խաղաղության մեջ ընդունի Անրի Վեռնոյի երանյալ հոգին, Սուրբ Հոգու շնորհով մխիթարություն պարգեւի Ձեզ բոլորիդ եւ օրհնությամբ առաջնորդի Ձեր կյանքի ընթացքը: Աղոթք, խունկ եւ օրհնություն Անրի Վեռնոյի անթառամ հիշատակին, հարգանք եւ խոնարհում նրա պայծառ անվանըե: