1 րոպեի ընթերցում
ԷՋՄԻԱԾԻՆ, 16 ԴԵԿՏԵՄԲԵՐԻ. ԱՐՄԵՆՊՐԵՍ: Դեկտեմբերի 14-ին հրաժեշտի այցով Մայր Աթոռ Սբ. Էջմիածին այցելեց Իտալիայի արտակարգ եւ լիազոր դեսպան Պաուլո Անդրեա Տրաբալտան, որն ավարտում է դիվանագիտական առաքելությունը Հայաստանում: Ըստ Մայր Աթոռի մալո դիվանի, Ն.Ս.Օ.Տ.Տ. Գարեգին Բ Ամենայն հայոց կաթողիկոսը, ընդունելով դեսպանին, բարձր է գնահատել նրա ջանքերը հայ-իտալական բարեկամության ամրապնդման գործում: Նորին Սրբությունը նշել է նաեւ Հայ Առաքելական եւ Հռոմի կաթոլիկ եկեղեցիների միջեւ առկա ջերմ եւ եղբայրական հարաբերությունները: Նորին սրբությանը երախտագիտություն հայտնելով ջերմ ընդունելության համար՝ պրն. Տրաբալտան մասնավորապես նշել է. «Հայաստանում ապրած տարիներիս ընթացքում Մայր Աթոռ Սբ. Էջմիածինն ինձ համար եղել է ցանկալի վայր, ուր հաճախ այցելել եմ ու աղոթել նրա կամարների ներքոե: Հրաժեշտից առաջ Վեհափառ Հայրապետը դեսպանին մաղթել է հաջողություն հետագա դիվանագիտական առաքելության մեջ: