Գարեգին Բ Ամենայն Հայոց կաթողիկոսն ընդունեց Հայաստանում Իրաքի գործերի հավատարմատար Աբդուլ Աբաս Մուզհար Ալ-Բադրիին
1 րոպեի ընթերցում
ԷՋՄԻԱԾԻՆ, 19 ՓԵՏՐՎԱՐԻ. ԱՐՄԵՆՊՐԵՍ: Փետրվարի 19-ին Ն.Ս.Օ.Տ.Տ. Գարեգին Բ Ամենայն հայոց կաթողիկոսն ընդունեց Հայաստանում Իրաքի գործերի ժամանակավոր հավատարմատար Աբդուլ Աբաս Մուզհար Ալ-Բադրիին: Ինչպես հայտնեցին Մայր Աթոռի մամլո դիվանից, հայոց Հայրապետը հույս է հայտնել, որ Հայաստանում Իրաքի նորահաստատ դեսպանությունն իր նպաստը կբերի երկու երկրների երկկողմ հարաբերությունների զարգացմանը: Հանդիպման ընթացքում կարեւորվել է նաեւ իրաքահայ համայնքի դերը Իրաքի ամենօրյա կյանքում: Հանդիպման ավարտին Նորին Սրբությունն աղոթք է բարձրացրել առ Աստված հանուն աշխարհի եւ ժողովուրդների խաղաղության՝ մաղթելով, որ Աստված խաղաղություն պարգեւի նաեւ Իրաքի ժողովրդին: