ՀՀ նախագահ Ռոբերտ Քոչարյանն աշխատանքային հանդիպում է ունեցել գյուղատնտեսության նախարար Դ. Լոքյանի հետ
1 րոպեի ընթերցում
ԵՐԵՎԱՆ, 11 ՄԱՐՏԻ, ԱՐՄԵՆՊՐԵՍ: ՀՀ նախագահ Ռոբերտ Քոչարյանն այսօր աշխատանքային հանդիպում է ունեցել գյուղատնտեսության նախարար Դավիթ Լոքյանի հետ: Ինչպես «Արմենպրեսե-ին տեղեկացրին ՀՀ նախագահի մամլո գրասենյակից, հանրապետության նախագահը հետաքրքրվել է վերջին չորս ամիսների ընթացքում կառավարության կողմից ընդունված գյուղատնտեսության ոլորտին վերաբերող մի շարք ծրագրերի ընթացքով, ինչպես նաեւ` աշխարհում տեղի ունեցող գլոբալ փոփոխությունների արդյունքում սննդամթերքի գների բարձրացման եւ դրա հետ կապված մեր երկրում ինքնաբավության խնդրի լուծմանն առնչվող հարցերով: Անդրադարձ է եղել նաեւ կառավարության կողմից ընդունված նոր ծրագրերին, մանավորապես` եգիպտացորենի մշակման ծրագրին Տավուշի եւ Լոռվա մարզերում եւ առաջիկա երեք տարիների ընթացքում ցորենի ինքնաբավության ծրագրին, քննարկվել է սուբսիդավորման ընթացքը, որում ընդգրկված են գյուղական վայրերի շուրջ 100.000 բնակիչներ: Հանրապետության նախագահը հետաքրքրվել է նաեւ թռչնաբուծության եւ անասնապահության խնդիրներով, հատկապես այն նոր ուղղությամբ, որ երկիրն արդեն որդեգրել է թռչնաբուծության ոլորտում: