ՀՀ նախագահ Ռոբերտ Քոչարյանն ընդունել է ՌԴ արտաքին գործերի նախարարի տեղակալ, պետքարտուղար Գ. Կարասինին
1 րոպեի ընթերցում
ԵՐԵՎԱՆ, 19 ՄԱՐՏԻ, ԱՐՄԵՆՊՐԵՍ: ՀՀ նախագահ Ռոբերտ Քոչարյանն այսօր ընդունել է Ռուսաստանի Դաշնության արտաքին գործերի նախարարի տեղակալ, պետքարտուղար Գրիգորի Կարասինին: Ինչպես «Արմենպրեսե-ին տեղեկացրին ՀՀ նախագահի մամլո գրասենյակից, կողմերը խոսել են հայ-ռուսական երկկողմ հարաբերությունների մասին եւ գոհունակությամբ ընդգծել տարբեր ոլորտներում դինամիկ զարգացող փոխգործակցությունը: Զրուցակիցներն անդրադարձել են նաեւ Հայաստանի հետընտրական զարգացումներին եւ ներքաղաքական իրավիճակին: