Firebird-ը Dell Technologies-ի հետ ընդլայնում է իր ԱԲ ենթակառուցվածքը Հայաստանում

3 րոպեի ընթերցում

Շարունակելով համագործակցությունը Dell Technologies-ի հետ՝ Firebird-ը ընդլայնում է իր հաշվարկային հզորությունները՝ նպաստելով Հայաստանում արհեստական բանականության էկոհամակարգի զարգացմանը։ Այս մասին «Արմենպրես»-ին տեղեկացրին Firebird ընկերությունից:

Firebird-ն ավարտել է Հրազդանի ԱԲ կլաստերի կառուցման առաջին փուլը։ Կլաստերի հիմքում Dell PowerRack համակարգն է՝ Dell PowerEdge սերվերներով և NVIDIA Blackwell գրաֆիկական պրոցեսորներով։ Այս ենթակառուցվածքի շնորհիվ Հայաստանի և տարածաշրջանի հետազոտողները, ծրագրավորողներն ու ընկերություններն արդեն կարող են աշխատել լիարժեք գործող ԱԲ միջավայրում։ Կլաստերը հնարավորություն է տալիս կատարելու կենսագիտության, ինքնավար համակարգերի, տիեզերական տեխնոլոգիաների և նյութագիտության ոլորտներում անհրաժեշտ հաշվարկները։

Հաջորդ փուլում Firebird-ը նախատեսում է ավելացնել ԱԲ մոդելների ուսուցման և գործարկման համար անհրաժեշտ հաշվարկային հզորությունները։ Ընդլայնումը թույլ կտա Հայաստանից ավելի մեծ ծավալով ծառայություններ մատուցել կորպորատիվ հաճախորդներին ամբողջ աշխարհում և ամրապնդել Հայաստանի դիրքը՝ որպես ԱԲ ոլորտի նորարարության կենտրոն։

«Այս համաձայնագրով մենք շարունակում ենք մեր համագործակցությունը Dell Technologies-ի հետ և ընդլայնում մեծածավալ ԱԲ հաշվարկների համար առաջադեմ հզորություններ տրամադրելու մեր հնարավորությունները։ Տեսնում ենք, որ նոր ձևավորվող շուկաները կարող են ավելի մեծ դեր ունենալ ԱԲ-ի համաշխարհային պահանջարկը բավարարելու գործում։ Այս հզորությունները զարգացնելիս մենք պարտավորվում ենք ապահովել սպասարկման այն որակն ու համակարգերի աշխատանքի այն հուսալիությունը, որոնք ակնկալում են միջազգային հաճախորդները, և հետևել պատասխանատու գործարար սկզբունքներին։ Հենց այս հիմքի վրա ենք ձևավորում տևական վստահություն և ապահովում երկարաժամկետ աճ», — ասել է Firebird-ի համահիմնադիր և գլխավոր գործադիր տնօրեն Ռազմիկ Հովակիմյանը։

«Firebird-ի հետ մեզ միավորում է ԱԲ ոլորտում նորարարության համար անհրաժեշտ հաշվարկային հզորություններն ավելի հասանելի դարձնելու նպատակը։ Dell Technologies-ն աշխարհի տարբեր երկրներում գործող կազմակերպություններին տրամադրում է առաջադեմ ԱԲ համակարգեր։ Մեր համատեղ աշխատանքի արդյունքները հիմք են ստեղծել հաջորդ փուլի համար, որը Firebird-ին թույլ կտա սպասարկել հաճախորդների ամբողջ աշխարհում և նպաստել ԱԲ էկոհամակարգում Հայաստանի դերի մեծացմանը», — ասել է Dell Technologies-ի՝ CEEMETA տարածաշրջանի գծով ավագ փոխնախագահ Մոհամեդ Ամինը։

Այս ընդլայնումը Firebird-ի երկարաժամկետ ծրագրի մասն է։ Ընկերության նպատակն է Հայաստանից զարգացնել ԱԲ ենթակառուցվածքների համաշխարհային բիզնես՝ իր հաշվարկային հզորությունները ծառայեցնելով աշխարհի տարբեր երկրներում գործող ԱԲ ընկերությունների և կորպորատիվ հաճախորդների կարիքներին։

Հայերեն

Թվային լուծումներ՝ մեկ էկոհամակարգում․ IDBank-ը՝ DigiTec 2026-ում

Firebird-ը Dell Technologies-ի հետ ընդլայնում է իր ԱԲ ենթակառուցվածքը Հայաստանում

Կարմիր Խաչի միջազգային կոմիտեն Վարդենիս համայնքին է նվիրաբերել հացահատիկամաքրիչ 2 մեքենա

Որքան լայն է երեխայի հետաքրքրությունների շրջանակն, այնքան մեծ է նրա մտահորիզոնը․ ՀՀ ԿԳՄՍ նախարար

ՀԱՓԿ-ի և ԵՄ-ի գործակցության շրջանակում վերապատրաստում անցած ականազերծողները հավաստագրեր ստացան

Ֆրանսիան ՄԱԿ-ի Անվտանգության խորհրդի նիստ է հրավիրել ՌԴ-ի կողմից Կիևին հասցված հարվածների կապակցությամբ

Նոյեմբերի 21-ի միջոցառումների անոնս

ԱԺ նախագահն ընդդիմությանը մեղադրել է խաղաղությանը խոչընդոտելու մեջ

Հայաստանի ՀՆԱ-ն այս տարվա երրորդ եռամսյակում հասել է 3 տրլն 379 մլրդ 757 մլն դրամի

Լեհաստանի իշխանությունները հայտնել են երկրի տարածքում ռուսական երկու հրթիռի և մեկ ԱԹՍ-ի ընկնելու մասին