Փարիզում ոստիկանները պահանջել են աշխատավարձերի բարձրացում՝ երկրում շարունակվող ցույցերի ֆոնին

2 րոպեի ընթերցում

Փարիզում ոստիկանները ցույցի են դուրս եկել Ելիսեյան պալատից ոչ հեռու գտնվող Ֆրանսիայի ներքին գործերի նախարարության շենքի մոտ՝ պահանջելով բարձրացնել իրենց աշխատավարձերը երկրում շարունակվող կենսապահովման ծախսերի թանկացման դեմ բողոքի ցույցերի ֆոնին, որոնց ընթացքում անվտանգության ապահովման աշխատանքներում ոստիկանները մշտապես ներգրավվում են։ «Արմենպրես»-ի փոխանցմամբ՝ այս մասին հաղորդել է «ՌԻԱ Նովոստի»-ի թղթակիցը։

Ավելի վաղ Ֆրանսիայի ոստիկանության CRS 8 հատուկ ստորաբաժանումը, որը նախատեսված է անկարգությունները ճնշելու համար, ամբողջ կազմով ծառայության չի դուրս եկել համազգային ցույցերի օրը՝ նոյեմբերի 17-ին։

Իրավապահները՝ քաղաքացիական հագուստով, նախարարության մոտ են հավաքվել ոստիկանության Alliance Police Nationale արհմիության կոչով։ Ոստիկանները պահանջում են բարձրացնել ռիսկի համար նախատեսված հավելավճարները, որի չափը նույնն է մնում արդեն մի քանի տարի։

Ֆրանսիայում բողոքի ցույցերն սկսվել են սեպտեմբերի կեսերին, երբ Փարիզի արվարձաններում փողոց են դուրս եկել ավագ դպրոցների աշակերտները՝ պահանջելով բարելավել դպրոցների վիճակը։ Ավելի ուշ նրանց են միացել երկրում գների բարձրացումից դժգոհ քաղաքացիները, իսկ բողոքի ակցիաները տարածվել են այլ տարածաշրջաններում։

Ամենամարդաշատը հոկտեմբերի 17-ին անցկացված համազգային ցույցն է եղել։ ՆԳՆ-ի տվյալներով՝ դրան մասնակցել է շուրջ 550 000 մարդ։ Ֆրանսիայի իրավապահները բողոքի մասնակիցների դեմ կիրառել են արցունքաբեր գազ, լուսաձայնային նռնակներ և ջրցան մեքենաներ։

Հայերեն

Հայաստանի և Իրանի սահմանին երկու կողմերում նոր մաքսակետերի շինարարական աշխատանքները գրեթե ավարտական փուլում են. Խուդաթյան

Այս տարի 50 բժշկական կազմակերպություն 10.4 միլիարդ դրամով ավելի շատ հարկ է վճարել. Ավանեսյան

Ոչ մի բան չենք զիջել և չենք զիջելու․ Փաշինյանը՝ Հայաստան-Ադրբեջան կարգավորման գործընթացի մասին

Վարչապետը հերքել է նոր Սահմանադրության օրակարգն Ադրբեջանի պահանջով պայմանավորելու ընդդիմության պնդումը

Արամ Միրիջանյանը նշանակվել է ՀՀ աշխատանքի և բարեկեցության նախարարության Միասնական սոցիալական ծառայության պետ

Վարչապետը երկաթուղիների միացման անհրաժեշտությամբ է բացատրել Ադրբեջանի հետ ԹՐԻՓՓ-ի տեխնիկական համաձայնեցումները

Փարիզում ոստիկանները պահանջել են աշխատավարձերի բարձրացում՝ երկրում շարունակվող ցույցերի ֆոնին

Հայաստանը թակարդից հանել ենք. Փաշինյան

Վարչապետը հարավում սահմանազատումը համարում է ԹՐԻՓՓ-ի իրագործման կարևոր հանգրվաններից մեկը

Վանաձոր համայնքի տիրապետմանն է վերադարձվել Հրանտ Մաթևոսյանի անվան այգու տարածքում գտնվող 18-րդ հողատարածքը