Վարչապետը հարավում սահմանազատումը համարում է ԹՐԻՓՓ-ի իրագործման կարևոր հանգրվաններից մեկը

2 րոպեի ընթերցում

ԹՐԻՓՓ նախագծի իրագործման գործնական փուլի կարևոր հանգրվաններից է լինելու հարավային հատվածում հաղորդակցությունների կառուցման համար անհրաժեշտ սահմանային հատվածների սահմանազատումն ու սահմանագծումը։

«Արմենպրես»-ի փոխանցմամբ՝ Ազգային ժողովում կառավարության հարցուպատասխանի ժամանակ այս մասին ասել է ՀՀ վարչապետ Նիկոլ Փաշինյանը՝պատասխանելով պատգամավոր Նատալի Սինորյանի՝ հայ-ադրբեջանական սահմանազատման և խաղաղության պայմանագրի կնքման գործընթացների վերաբերյալ հարցին։

Փաշինյանը նշել է, որ աշխատանքները շարունակվում են նախկինում ներկայացված ուղղություններով։

«Մեծ հաշվով նորություն չունեմ։ Միակ նորությունն այն է, որ ինչ նախկինում խոսվել է, ասվել է, քննարկվել է, այդ ուղղություններով առաջ ենք շարժվում և պետք է իրականացնենք քայլ առ քայլ այն, ինչի մասին նախորդիվ ես խոսել եմ»,- ասել է վարչապետը։

Նա ընդգծել է, որ ԹՐԻՓՓ-ի իրականացման շրջանակում հարավային հատվածում սահմանազատումն անհրաժեշտ է տրանսպորտային հաղորդակցությունների և այլ ենթակառուցվածքների՝ խողովակաշարի, երկաթուղու ու ճանապարհի կառուցման համար։

«ԹՐԻՓՓ նախագծի իրագործման գործնական փուլ ենք մտնում»,- նշել է Փաշինյանը։

Անդրադառնալով Ադրբեջանի նախագահ Իլհամ Ալիևի հետ Դուբլինում կայացած հանդիպմանը՝ վարչապետն ասել է, որ դրա ընթացքում վերահաստատվել են նախնական պայմանավորվածությունները։

«Դուբլինի հանդիպման ընթացքում մենք վերահաստատել ենք այն, ինչ նախկինում արդեն իսկ նախնական պայմանավորվել էինք։ Այդ առումով նորություն չկա, որովհետև նախկինում ես, ըստ էության, ամբողջ տրամաբանությունը նախնական համաձայնությունների ժանրով ներկայացրել եմ։ Հիմա կարող եմ ասել, որ այդ համաձայնությունները վերահաստատվել են»,- հայտարարել է նա։

Փաշինյանի խոսքով՝ հետագա աշխատանքը սահմանազատման հանձնաժողովների տիրույթում է։

«Նրանք կաշխատեն և քաղաքական բարձրագույն մակարդակում ձեռք բերված պայմանավորվածությունները կիրագործեն»,- ասել է վարչապետը։

Փաշինյանն ու Ալիևը հանդիպել էին նոյեմբերի 12-ին՝ Դուբլինում անցկացված Եվրոպական քաղաքական համայնքի գագաթնաժողովի շրջանակում։

 

Հայերեն English ქართული Русский

Վարչապետը երկաթուղիների միացման անհրաժեշտությամբ է բացատրել Ադրբեջանի հետ ԹՐԻՓՓ-ի տեխնիկական համաձայնեցումները

Փարիզում ոստիկանները պահանջել են աշխատավարձերի բարձրացում՝ երկրում շարունակվող ցույցերի ֆոնին

Հայաստանը թակարդից հանել ենք. Փաշինյան

Վարչապետը հարավում սահմանազատումը համարում է ԹՐԻՓՓ-ի իրագործման կարևոր հանգրվաններից մեկը

Վանաձոր համայնքի տիրապետմանն է վերադարձվել Հրանտ Մաթևոսյանի անվան այգու տարածքում գտնվող 18-րդ հողատարածքը

Իսրայելը մտադիր չէ հեռանալ Սիրիայից, Լիբանանից և Գազայից, մինչև սպառնալիքները լիովին չվերանան

Team Group-ը Digitec-ի ռազմավարական գործընկերն է․ խումբը կներկայացնի իր տեխնոլոգիական էկոհամակարգն ու նորարարական լուծումները

Նիկոլ Փաշինյանն ընդունել է Գերմանիայի ԱԳ նախարարի գլխավորած պատվիրակությանը

ՄԻՊ աշխատակազմի ներկայացուցիչները բարձրաձայնել են Հայաստանում հոգեկան առողջության ոլորտի համակարգային խնդիրները

Իրանը հայտնել է Հորմուզի նեղուցի արևելքում ամերիկյան MQ-9 ԱԹՍ խոցելու մասին