Պուտինի, Թրամփի և Սի Ծինփինի հանդիպման արդյունքներով համատեղ հայտարարություն է նախապատրաստվում․ Ուշակով
1 րոպեի ընթերցում
Ռուսաստանի նախագահ Վլադիմիր Պուտինի, ԱՄՆ նախագահ Դոնալդ Թրամփի և Չինաստանի նախագահ Սի Ծինփինի նախատեսվող հանդիպման արդյունքներով համատեղ հայտարարության տեքստ է մշակվում։ Ինչպես տեղեկացնում է «Արմենպրես»-ը, վկայակոչելով «Վեդոմոստի» պարբերականը, այս մասին նոյեմբերի 16-ին հայտնել է ՌԴ նախագահի օգնական Յուրի Ուշակովը։
Երեք երկրների ղեկավարների հանդիպումը նախատեսված է նոյեմբերի 19-ին՝ Չինաստանի Շենչժեն քաղաքում անցկացվող Ասիա-խաղաղօվկիանոսյան տնտեսական համագործակցության՝ ԱԽՏՀ-ի գագաթնաժողովի շրջանակում։
Ուշակովի խոսքով՝ կողմերը պատրաստ են բովանդակային և կառուցողական քննարկման։ Նա գնահատել է, որ նախատեսվող հանդիպումը կարող է էական ազդեցություն ունենալ միջազգային իրավիճակի վրա։