Վրաստանը հրաժարվել է մասնակցել ԵՄ ընդլայնման հարցերով գագաթնաժողովին

1 րոպեի ընթերցում

Վրաստանի իշխանությունները հրաժարվել են մասնակցել նոյեմբերի 16-ին Բրյուսելում կայանալիք Եվրամիության ընդլայնման հարցերով գագաթնաժողովին։ Պատճառն այն է, որ կազմակերպիչները երկրին հրավիրել են ներկայացված լինել միայն ԵՄ-ում Վրաստանի դեսպանի մակարդակով։ Ինչպես հաղորդում է «Արմենպրես»-ը, այս մասին հայտնել է Վրաստանի արտաքին գործերի նախարարությունը։

«Վրաստանը նոյեմբերի 16-ին Բրյուսելում կայանալիք միջոցառմանը, այդ թվում՝ կապերի ամրապնդման հարցերով նախարարական գագաթնաժողովին մասնակցելու համապատասխան մակարդակի հրավեր չի ստացել։ Հետևաբար, Վրաստանի ներկայացուցիչը նշված հանդիպմանը չի մասնակցի»,- ասվում է Վրաստանի ԱԳՆ հայտարարության մեջ։

Միևնույն ժամանակ, գերատեսչությունում նշել են, որ Վրաստանը շարունակում է հավատարիմ մնալ Եվրամիության հետ կառուցողական համագործակցությանը և պատրաստ է մասնակցել հանդիպումներին՝ համապատասխան մակարդակով հրավեր ստանալու դեպքում։ ԱԳՆ-ի խոսքով՝ Բրյուսելին հայտնի է Թբիլիսիի դիրքորոշումը։

ԵՄ ընդլայնման հարցերով ֆորումը կանցկացվի «Ընդլայնված Եվրոպա՝ ուժեղ Եվրոպա» կարգախոսով։ Միջոցառման կազմակերպիչը ԵՄ ընդլայնման հարցերով եվրահանձնակատար Մարտա Կոսն է։

Հայերեն Русский

Երևանում բացվում է Հայ-հունգարական գործարար խորհուրդ

ԱՍԵԱՆ-ի գագաթնաժողովի դեմ բողոքի ակցիաների ժամանակ 300 մարդ է ձերբակալվել

ՀՀ հակակոռուպցիոն կոմիտեի նախագահը հանդիպել է Չինաստանի արտակարգ և լիազոր դեսպան Լի Սինվեյի հետ

Վրաստանը հրաժարվել է մասնակցել ԵՄ ընդլայնման հարցերով գագաթնաժողովին

Ավստրալիան, Կանադան, Իտալիան և Բրիտանիան կոչ են արել Իսրայելին թույլ տալ մարդասիրական օգնության մուտքը Գազա

Երևանի մետրոպոլիտենի շարժակազմը համալրվում է. այսօրվանից գիծ է վերադարձել երեք վագոնանոց գնացքը

Դանակով, ձեռքերով և ոտքերով հարվածել է կնոջ մարմնի տարբեր մասերին․ ՔԿ-ն մանրամասներ է հայտնել ընտանեկան բռնության գործով նախաքննության ավարտից

Մարդու իրավունքների պաշտպանի հանձնարարությամբ չհայտարարված մշտադիտարկման այց է իրականացվել «Ձորակ» շուրջօրյա մասնագիտացված խնամքի կենտրոն

Արքայազն Հարին Ուկրաինայում հանդիպել է վիրավորված զինծառայողներին

«Նոր գիրք»-43/26. Այրա, Պետրոսյան, Պետրոսյան