Ավստրալիան, Կանադան, Իտալիան և Բրիտանիան կոչ են արել Իսրայելին թույլ տալ մարդասիրական օգնության մուտքը Գազա

2 րոպեի ընթերցում

Ավստրալիան, Կանադան, Իտալիան և Միացյալ Թագավորությունը կոչ են արել Իսրայելին թույլ տալ մարդասիրական օգնության անհապաղ և անարգել մուտքը Գազայի ամբողջ տարածք՝ ընդգծելով, որ վերջերս տեղի ունեցած ջրհեղեղները «լրացուցիչ տառապանքներ են պատճառել» այնտեղ բնակվող պաղեստինցիներին։ Ինչպես հաղորդում է «Արմենպրես»-ը՝ վկայակոչելով Al Jazeera-ն, չորս երկրների արտաքին գործերի նախարարները կիրակի օրը համատեղ հայտարարություն են տարածել՝ հերթական անգամ միջազգային ուշադրությունը հրավիրելով շրջափակման մեջ գտնվող Գազայի ծանր մարդասիրական իրավիճակի վրա։

«Գազայի բնակիչները հուսահատորեն ապաստարանի և մարդասիրական օգնության կարիք ունեն։ Մինչդեռ 150000 վրան և կենսական նշանակության այլ պարագաներ պահվում են սահմանին՝ արգելափակելով դրանց մուտքը Գազա»,- նշվել է հայտարարության մեջ։

Երկրները կոչ են արել Իսրայելի կառավարությանը՝ դադարեցնելու ձգձգումները և թույլ տալու մարդասիրական օգնության անհապաղ, արագ ու անխոչընդոտ մուտքը Գազայի ամբողջ տարածք։

Այս ամիս տեղացած հորդառատ անձրևները քշել-տարել են Գազայի հատվածում տեղադրված տասնյակ հազարավոր վրաններ՝ շատերին թողնելով առանց ապաստարանի։

«Այս իրավիճակը լիովին շտկելի է, և դեռ ժամանակ կա գործելու՝ նախքան ձմեռը լիարժեք կհաստատվի»,-ասվում է հայտարարության մեջ։

Իսրայելը տարիներ շարունակ սահմանափակել է ապրանքների մուտքն ու արտահանումը Գազա, որտեղ բնակվում է ավելի քան 2 միլիոն մարդ։

2023 թվականի հոկտեմբերին Գազայի դեմ պատերազմը սկսելուց ի վեր՝ Իսրայելը պաղեստինյան այս տարածքը ենթարկել է լիակատար շրջափակման՝ սահմանափակելով հասանելիությունը նույնիսկ առաջնային անհրաժեշտության պարագաներին, ինչպիսիք են սնունդն ու ջուրը։

Հայերեն Русский

ԱՍԵԱՆ-ի գագաթնաժողովի դեմ բողոքի ակցիաների ժամանակ 300 մարդ է ձերբակալվել

ՀՀ հակակոռուպցիոն կոմիտեի նախագահը հանդիպել է Չինաստանի արտակարգ և լիազոր դեսպան Լի Սինվեյի հետ

Վրաստանը հրաժարվել է մասնակցել ԵՄ ընդլայնման հարցերով գագաթնաժողովին

Ավստրալիան, Կանադան, Իտալիան և Բրիտանիան կոչ են արել Իսրայելին թույլ տալ մարդասիրական օգնության մուտքը Գազա

Երևանի մետրոպոլիտենի շարժակազմը համալրվում է. այսօրվանից գիծ է վերադարձել երեք վագոնանոց գնացքը

Դանակով, ձեռքերով և ոտքերով հարվածել է կնոջ մարմնի տարբեր մասերին․ ՔԿ-ն մանրամասներ է հայտնել ընտանեկան բռնության գործով նախաքննության ավարտից

Մարդու իրավունքների պաշտպանի հանձնարարությամբ չհայտարարված մշտադիտարկման այց է իրականացվել «Ձորակ» շուրջօրյա մասնագիտացված խնամքի կենտրոն

Արքայազն Հարին Ուկրաինայում հանդիպել է վիրավորված զինծառայողներին

«Նոր գիրք»-43/26. Այրա, Պետրոսյան, Պետրոսյան

Աննա Վարդապետյանը Դուբայի ավագ դատախազի հետ քննարկել է ապօրինի գույքի բռնագանձման գործերով փոխգործակցության արդյունավետության բարձրացման հնարավորությունները