Հայաստանի բռնցքամարտի տղամարդկանց հավաքականն ուսումնամարզական հավաք է անցկացնում Ուզբեկստանում

Հայաստանի բռնցքամարտի մեծահասակների տղամարդկանց  հավաքականը ուսումնամարզական հավաք է անցկացնում Ուզբեկստանում:

«Արմենպրես»-ի հաղորդմամբ`  տղամարդկանց ընտրանին համատեղ ուսումնամարզական հավաք կանցկացնի Ուզբեկստանի, Ղրղզստանի և Ռուսաստանի ընտրանիների հետ։

Տղամարդկանց ընտրանու երկու ներկայացուցիչները`  50 կգ քաշային Ռուդոլֆ Գարբոյանը և գերծանր քաշային Դավիթ Չալոյանը, նոյեմբերի 25-ին Ուզբեկստանում կմասնակցեն նաև «World Boxing»-ի Աշխարհի գավաթի հերթական փուլին։

Հավաքականի մյուս անդամները նոյեմբերի 25-ին կմեկնեն Թուրքիա, որտեղ կմասնակցեն միջազգային մրցաշարի: