Թրամփը հայտարարել է, որ Ռուսաստանի հետ դիզելային վառելիքի գործարքն անհրաժեշտ է համաշխարհային շուկային

ԱՄՆ նախագահ Դոնալդ Թրամփը հայտարարել է, որ Վաշինգտոնի և Մոսկվայի միջև դիզելային վառելիքի վերաբերյալ համաձայնագիրն անհրաժեշտ է համաշխարհային շուկային։

Ինչպես հաղորդում է «Արմենպրես»-ը, վկայակոչելով «Ինտերֆաքս»-ը, այս մասին ԱՄՆ նախագահը հայտնել է լրագրողներին:  

«Դիզելային վառելիքի վերաբերյալ այս գործարքը մեզ համար չէ։ Այն համաշխարհային շուկայի համար է, քանի որ համաշխարհային շուկան տուժում է բարձր գներից»,- լրագրողներին ասել է Թրամփը։

Նրա խոսքով՝ Ռուսաստանի հետ համաձայնագիրն արդեն արդյունքներ է տվել։

«Այս գործարքն օգնել է նվազեցնել գները»,- հայտարարել է ԱՄՆ նախագահը։