362.32
Պատերազմների հետևանքով Հայաստանն ունի գտնվելու վայրն անհայտ շուրջ 1000 քաղաքացի. Փաշինյանը խնդրի լուծումն Ադրբեջանի հետ գործակցությամբ է տեսնում
1 րոպեի ընթերցում
Հայաստանի վարչապետ Նիկոլ Փաշինյանը պատերազմների հետևանքով անհայտ կորած ՀՀ քաղաքացիների խնդրի լուծումը Ադրբեջանի հետ համագործակցությամբ է տեսնում։ «Արմենպրես»-ի փոխանցմամբ՝ այս մասին Փաշինյանը հայտարարեց լրագրողների հետ ճեպազրույցի ընթացքում։
«Ադրբեջանն ունի անհայտ կորածներ, մենք ունենք անհայտ կործաներ, այդ հարցը հնարավոր է լուծել համագործակցության միջոցով` փորձելով պարզել գտնվելու վայրը անհայտ անձանց ճակատագրերը։ Մենք ասել ենք, որ պատրաստ ենք համագործակցության։ Այլ բան, որ Ադրբեջանում կան շրջանակներ, որ հարցը քաղաքական նպատակներով օգտագործում են, այսինքն՝ թշնամական խոսույթներ գեներացնելու և այլ նպատակներով»,- ասաց Փաշինյանը։
Վարչապետը հավելեց, որ 1990-ական թվականներից մինչև օրս, պատերազմների հետևանքով, Հայաստանն ունի գտնվելու վայրն անհայտ մոտ 1000 քաղաքացի։
Բաժանորդագրվեք մեր ալիքին Telegram-ում