363.64
Մեր ուղենիշն է ունենալ մարդակենտրոն առողջապահական համակարգ. Անահիտ Ավանեսյան
1 րոպեի ընթերցում
Հայաստանի առողջապահության նախարար Անահիտ Ավանեսյանի գլխավորությամբ կայացած գործակարգավարական խորհրդակցությանը քննարկվել են Կառավարության 2026- 2031թթ. ծրագրում ներառված առողջապահական միջոցառումներից բխող ծրագրերը, որոնք առաջիկայում կհաստատվեն:
«Արմենպրես»-ի փոխանցմամբ՝ այդ մասին հաղորդագրություն է տարածել ՀՀ առողջապահության նախարարությունը։
«Մեր ուղենիշն է ունենալ մարդակենտրոն առողջապահական համակարգ, անընդհատ զարգացող և համալրվող ենթակառուցվածքներ, առողջ հասարակություն»,- նշել է Անահիտ Ավանեսյանը:
Գործակարգավարական խորհրդակցությանը նախարարը ներկայացրել է առողջապահության թիմին միացած գործընկերներին, նաև շնորհակալություն հայտնել նախկին փոխնախարարներ Արմեն Գասպարյանին և Լևոն Հակոբյանին կատարած աշխատանքի համար: Նրանք կշարունակեն իրենց ներուժն ու կարողությունը ներդնել մեր համակարգում:
Նախարարն աշխատանքների կազմակերպման համար կոնկրետ հանձնարարականներ է տվել` շեշտելով ծրագրով նախատեսված նպատակների ժամանակին և արդյունավետ իրականացման կարևորությունը:
Բաժանորդագրվեք մեր ալիքին Telegram-ում