1 րոպեի ընթերցում
Մեծ Բրիտանիայի ծովային առևտրային գործառնությունների վարչությունը (UKMTO) հաղորդել է Հորմուզի նեղուցում լցանավի հետ կապված հերթական միջադեպի մասին, տեղեկացնում է «Արմենպրես»-ը:
«Տեղի իշխանությունները հայտնել են, որ լցանավի վրա անհայտ արկ է ընկել, ինչի հետևանքով նավի վրա հրդեհ է բռնկվել, որն արդեն մարվել է», - ասվում է վարչության կայքում հրապարակված հաղորդագրության մեջ։
Անձնակազմի բոլոր անդամները ապահով են։ Իշխանությունները հետաքննություն են անցկացնում։
«Նավերին խորհուրդ է տրվում զգույշ լինել նեղուցով անցնելիս և ցանկացած կասկածելի գործողության մասին հայտնել UKMTO-ին», - հայտարարել են վարչությունում։
Թե կոնկրետ որ երկրի իշխանություններն են հայտնել միջադեպի մասին, հաղորդագրության մեջ չի նշվում։
Իրանը հայտարարել է, որ Հորմուզի նեղուցը փակ է, և ոչ մի նավ չի կարող անցնել այնտեղով՝ առանց Թեհրանի հետ նախապես համաձայնեցնելու։ ԱՄՆ-ն իր հերթին հայտարարել է իրանական նավահանգիստների շրջափակման մասին։