1 րոպեի ընթերցում
Գերմանիայի արտաքին գործերի նախարար Յոհան Վադեֆուլը խոստացել է 50 միլիոն եվրո մարդասիրական օգնություն տրամադրել Ուկրաինային։
Ինչպես հաղորդում է «Արմենպրես»-ը, Վադեֆուլն այդ մասին հայտարարել է Կիևում՝ իր ուկրաինացի գործընկերոջ՝ Անդրեյ Սիբիհայի հետ մամուլի ասուլիսում։
«Մենք կհատկացնենք 50 միլիոն եվրո. այս միջոցները կուղղվեն ՄԱԿ-ի կազմակերպություններին, որոնք շտապ աջակցություն են ցուցաբերում առաջնագծում գտնվող մարդկանց, օրինակ՝ տների վերանորոգմամբ և ջեռուցման սարքերի մատակարարմամբ»,-ասել է Վադեֆուլը։
Բեռլինը նաև 10 միլիոն եվրո կհատկացնի Կիևին աջակցելու ՆԱՏՕ-ի «Վստահության հիմնադրամ»-ին։
Օգոստոսի 22-ին Վադեֆուլը անսպասելի այցով ժամանել է Կիև։ Գերմանիայի արտաքին գործերի նախարարության տվյալներով՝ օրակարգում են Ուկրաինայի օգնությունը և երկու երկրների միջև անվտանգության ոլորտում համագործակցությունը։