ՆԱՏՕ-ն ցանկանում է ամրապնդել իր արևելյան սահմանը անօդաչու թռչող սարքերի և արհեստական բանականության միջոցով
1 րոպեի ընթերցում
ՆԱՏՕ-ն նպատակ ունի ամրապնդել իր արևելյան սահմանը՝ օգտագործելով արհեստական բանականության համակարգերի միջոցով ինտեգրված անօդաչու թռչող սարքեր, սենսորներ և արբանյակների լայն ցանց: Այդ մասին տեղեկացնում է «Արմենպրես»-ը՝ վկայակոչելով Deutsche Welle-ն։
Ծրագիրը ներառում է արևելյան թևի զսպման նախաձեռնություն, որը նախատեսված է Ռուսաստանի և Բելառուսի հետ սահմանների երկայնքով սպառնալիքների մոնիթորինգի համար: Համակարգը կընդգրկի Հյուսիսային Ֆինլանդիայից մինչև Սև ծով ընկած տարածքը: Հայեցակարգը նախատեսված է դաշնակիցների տարածք հնարավոր ներխուժումները հայտնաբերելու և պաշտպանության առաջին գծում հարձակումները հետ մղելու համար:
ԱՄՆ բանակի մայոր Բեն Շիֆը, ով ծրագրի գործառնությունների գծով պատասխանատու սպան է, հայտնել է, որ արհեստական բանականությունն անհրաժեշտ է, քանի որ ՆԱՏՕ-ն չունի պահանջված քանակի մասնագետներ՝ մեկ միլիոն անօդաչու թռչող սարքեր միաժամանակ գործարկելու համար։
ՆԱՏՕ-ն միևնույն ժամանակ օգտագործում է Ուկրաինայում տիրող օպերատիվ իրավիճակը՝ Եվրոպայում հնարավոր ապագա առճակատման համար ռազմական ծրագրեր մշակելու համար։