1 րոպեի ընթերցում
Գլխավոր հարկադիր կատարող Սիրո Ամիրխանյանն աշխատանքային այց է կատարել Տավուշի մարզ։
«Արմենպրես»-ի փոխանցմամբ՝ ինչպես հայտնում է Հարկադիր կատարումն ապահովող ծառայությունը, ծառայության մարզային բաժնի աշխատակիցների հետ հանդիպման ընթացքում Գլխավոր հարկադիր կատարողը ներկայացրել է Հարկադիր կատարումն ապահովող ծառայության Գեղարքունիքի և Տավուշի մարզային բաժնի կառուցվածքային փոփոխության անհրաժեշտությունն ու նպատակները։
«Մարզային բաժնի առանձնացումը պայմանավորված է աշխատանքների առավել արդյունավետ և համաչափ կազմակերպման, գործառույթների օպտիմալ բաշխման, ինչպես նաև բաժնի ծանրաբեռնվածության նվազեցման անհրաժեշտությամբ»,- իր խոսքում նշել է Սիրո Ամիրխանյանը։ մարզերում
Կառուցվածքային փոփոխության արդյունքում Գեղարքունիքի և Տավուշի մարզային բաժիններում նախատեսվում է ապահովել հարկադիր կատարման գործընթացների առավել արդյունավետ կազմակերպումն ու քաղաքացիներին մատուցվող ծառայությունների որակի բարձրացումը։
Քննարկվել է նաև մասնագիտական համապատասխան որակավորում ունեցող կադրերով բաժինը համալրելու հարցը։