Meta-ն հայտնել է Ավստրալիայում դեռահասներին պատկանող ավելի քան 750,000 օգտահաշիվ հեռացնելու մասին

2 րոպեի ընթերցում

Facebook-ի և Instagram-ի սեփականատեր Meta ընկերությունն օգոստոսի 13-ին հայտնել է, որ Ավստրալիայում 750,000-ից ավելի հաշիվ է հեռացրել, որոնք, ըստ ընկերության, կարող էին պատկանել 16 տարեկանից ցածր օգտատերերի։ Հաշիվների հեռացումը սկսվել է դեռևս անցյալ տարվա դեկտեմբերին երկրում դեռահասների համար սոցիալական ցանցերից օգտվելու՝ աշխարհում առաջին արգելքի ուժի մեջ մտնելուց հետո։ Ինչպես հաղորդում է «Արմենպրես»-ը, այս մասին հայտնում է Reuters-ը։

Ընկերության տվյալներով՝ դեկտեմբերին արգելքի ուժի մեջ մտնելուց մինչև հունիսն ընկած ժամանակահատվածում ապաակտիվացվել է 462,000 կասկածելի Instagram-ի և 294,000 կասկածելի Facebook-ի օգտահաշիվ։

Սոցիալական ցանցերի՝ աշխարհի խոշորագույն ընկերությունը հայտարարել է, որ իր նպատակն է հետևել օրենքի պահանջին։ Մինչդեռ, Ավստրալիայի ինտերնետային կարգավորող մարմինը քննարկում է տարբեր՝ այդ թվում և Meta-ի կազմում ընդգրվկած հարթակների դեմ իրավական գործընթաց սկսելու հնարավորությունը՝ պնդելով, թե դրանք բավարար քայլեր չեն ձեռնարկել երկրում ընդունված օրենքը կատարելու համար։

Ավստրալիայի կառավարության վիճակագրությունը և մի շարք անկախ ուսումնասիրություններ ցույց են տվել, որ արգելքի առաջին երեք ամիսներին 16 տարեկանից ցածր օգտատերերի ավելի քան 80%-ը շարունակում էր օգտվել սոցիալական ցանցերից։

Ավստրալիայի կառավարությունն այս կարևոր օրենքը ներկայացրել էր՝ մտահոգվելով երեխաների և դեռահասների ֆիզիկական ու հոգեկան առողջության վրա սոցիալական ցանցերի ազդեցությամբ։ Օրենքն ուժի մեջ է մտել 2025 թվականի դեկտեմբերի 10-ին։

Հայերեն English

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ

Ինչու են մայրամուտի և արևածագի ժամանակ ամպերը կարմիր կամ կարմրանարնջագույն երանգ ստանում․ մանրամասնում է Գագիկ Սուրենյանը

Հայաստանն ու Իրանը քննարկել են բարձր տեխնոլոգիաների ոլորտում համագործակցությունը զարգացնելու հեռանկարները

Հայաստանի ֆուտբոլի ֆեդերացիայի նախագահի պաշտոնի համար կպայքարեն Գևորգ Ղազարյանն ու Դենիս Ջորկաեֆը