1 րոպեի ընթերցում
A drone view shows people walking and cycling past rubble following an earthquake, in Cali, Colombia, August 11, 2026. REUTERS/Raquel Cunha TPX IMAGES OF THE DAY
Կոլումբիայի նախագահ Աբելարդո դե լա Էսպրիելյան եռօրյա ազգային սուգ է հայտարարել օգոստոսի 10-ին Կոլումբիայի արևմտյան Չոկոյի նահանգի Սան Խոսե դել Պալմար քաղաքի մոտակայքում տեղի ունեցած 7,4 մագնիտուդով երկրաշարժի զոհերի հիշատակին։ «Արմենպրես»-ի փոխանցմամբ՝ այս մասին հաղորդում է լատինաամերիկյան TeleSUR հեռուստաալիքը։
Նախագահական գրասենյակի կողմից հրապարակված հրամանագրում կառավարությունը խորը ցավակցություն է հայտնել տեղի ունեցած երկրաշարժի զոհերի կապակցությամբ։
Ըստ հրամանագրի՝ սկսած օգոստոսի 12-ից՝ երեք օր շարունակ, երկրի պետական շենքերում և Կոլումբիայի դիվանագիտական առաքելություններում կիսով չափ կխոնարհվի ազգային դրոշը։
Կոլումբիայի նախագահական գրասենյակի պաշտոնական տվյալների համաձայն՝ երկրաշարժի հետևանքով զոհվել է 181 մարդ, սակայն տարածաշրջանային իշխանությունների տվյալներով՝ զոհերի թիվը հասնում է շուրջ 250-ի։ Ըստ տեղեկությունների՝ շարունակվում են փլատակներում մնացած հարյուրավոր մարդկանց որոնողափրկարարական աշխատանքները, հիմնականում՝ Կալի և Պերեյրա քաղաքներում, որտեղ տասնյակ շենքեր են փլուզվել։