Մեքքայի համաձայնագիրը վկայում է տարածաշրջանում ԱՄՆ-ի վերաբերյալ ընկալման փոփոխության մասին․ Բաղայի
1 րոպեի ընթերցում
Իրանի արտաքին գործերի նախարարության խոսնակ Էսմայիլ Բաղային Սաուդյան Արաբիայի, Պակիստանի և Թուրքիայի միջև Մեքքայի համատեղ պաշտպանության համաձայնագիրը որակել է որպես տարածաշրջանի երկրների կողմից անվտանգության ընկալման փոփոխության նշան՝ հավելելով, որ այդ երկրները հասկացել են, որ անվտանգությունը չի կարող ապահովվել արտաքին ուժերին ապավինելու տարբերակով։ «Արմենպրես»-ի փոխանցմամբ՝ այս մասին հայտնում է Tasnim գործակալությունը։
Լրագրողների հետ ճեպազրույցում Բաղային հիշեցրել է, որ Իրանը մշտապես կոչ է արել տարածաշրջանային երկրներին համագործակցել և ամրապնդել իրենց անվտանգությունն՝ առանց ապավինելու արտաքին խաղացողներին։
Բաղայիի խոսքով՝ տարածաշրջանային երկրները Իսրայելի վերջին ամիսների գործողություններից հետո ավելի լավ են գիտակցում, թե որտեղից է գալիս անվտանգության հիմնական սպառնալիքը։
Իրանի ԱԳՆ խոսնակը հավելել է, որ Միացյալ Նահանգները լայնորեն աջակցել է իսրայելական կողմի գործողություններին։