Էթնա հրաբխի ժայթքման հետևանքով չեղարկվել են չվերթներն իտալական Կատանիայի օդանավակայանում

2 րոպեի ընթերցում

Իտալիայի Սիցիլիա կղզու արևելքում գտնվող Կատանիայի օդանավակայանում օգոստոսի 10-ին չեղարկվել են ժամանող չվերթները մինչև այդ երկրի ժամանակով ժամը 17:00-ն՝ Էթնա հրաբխի նոր ժայթքումից առաջացած մոխրի ամպի՝ օդանավակայանի շրջակայքի օդային տարածք տարածվելու պատճառով։ Ինչպես հաղորդում է «Արմենպրես»-ը՝ վկայակոչելով Reuters-ը, այս մասին հայտնել է օդանավակայանի օպերատոր SAC-ը։

Սիցիլիայի արևելյան ափին գտնվող Էթնան աշխարհի ամենաակտիվ հրաբուխներից է և հաճախ խափանում է Կատանիայի օդանավակայանի աշխատանքը։ Կատանիայի օդանավակայանը կղզու գլխավոր օդային հանգույցն է և ուղևորահոսքով Իտալիայի հինգերորդ ամենաբանուկ օդանավակայանն է համարվում։

«Քանի որ իրավիճակը զգալիորեն ազդում է օդանավակայանի աշխատանքի վրա, ուղևորներին խնդրում ենք օդանավակայան մեկնելուց առաջ իրենց ավիաընկերությունից ճշտել չվերթի կարգավիճակը»,- երկուշաբթի հայտարարել է SAC-ը։

Ընկերությունը հավելել է, որ իրավիճակը մշտապես վերահսկվում է, և հետագա թարմացումները կհրապարակվեն՝ կախված հրաբխային ակտիվության և եղանակային պայմանների զարգացումից։

Իտալիայի Երկրաֆիզիկայի և հրաբխագիտության ազգային ինստիտուտի տվյալներով՝ Եվրոպայի ամենաբարձր հրաբխի վերջին ժայթքումը շարունակվում է 2750 և 2360 մետր բարձրությունների վրա գտնվող խառնարաններից։ Ժայթքումների հետևանքով առաջացել են լավայի մի քանի հոսքեր։

Հայերեն

ՀՖՖ նախագահի թեկնածուները երկուսն են

«ՀՀ վարչապետի գավաթ» մրցաշարի նպատակներից է առողջ և ազնիվ մրցակցությունը երեխաների շրջանում խթանելը. Փաշինյան

«Հայաստանի AI հնարավորությունը. գաղափարից՝ գործողություն» խորագրով քննարկում

Տելեկոմից մինչև ֆինտեխ, էներգետիկա, լոգիստիկա և ավելին. Team Group-ը Digitec-ում թվային նոր լուծումներ ու հարթակներ է ներկայացնում

Երևանի լողի թիմերը հաղթեցին «ՀՀ վարչապետի գավաթ» դպրոցականների մրցաշարում

Նախարարը հաջողություն է մաղթել դպրոցականների լողի մրցաշարի եզրափակիչ փուլի մասնակիցներին

Հայկ Մարտիրոսյանը «Total Chess World Championship Tour Pilot 2026»-ում զբաղեցրել է 9-րդ հորիզոնականը

ԱրարատԲանկը տեղաբաշխելու է «Ֆարմ Կրեդիտ Արմենիայի»՝ Հայաստանում առաջին սոցիալական պարտատոմսերը

Աբովյան համայնքին է վերադարձվել Հատիս փողոցում գտնվող հողամասը. Գլխավոր դատախազություն

3,79 միլիարդ դոլար՝ մեկ օրում. GTA VI-ը ռեկորդ է սահմանել տեսախաղերի պատմության մեջ