Ֆրանսիան հույս է հայտնել, որ Հայաստանը և Ադրբեջանը կստորագրեն ու կվավերացնեն խաղաղության համաձայնագիրը
3 րոպեի ընթերցում
Ֆրանսիայի Եվրոպայի և արտաքին գործերի նախարարության խոսնակ Պասկալ Կոնֆավրյոն հայտարարություն է տարածել՝ շնորհավորելով 2025 թվականի օգոստոսի 8-ին ԱՄՆ-ի միջնորդությամբ Վաշինգտոնում տեղի ունեցած Հայաստան-Ադրբեջան խաղաղության գագաթնաժողովի 1-ամյա տարեդարձի առթիվ։
«2026 թվականի օգոստոսի 8-ը նշանավորում է Հայաստանի և Ադրբեջանի միջև հարաբերությունների կարգավորմանն ուղղված պատմական համաձայնության առաջին տարեդարձը։ Վերջին մեկ տարվա ընթացքում երկու երկրների իշխանությունները կարևոր և խիզախ քայլեր են կատարել՝ իրենց ժողովուրդների համար խաղաղությունը շոշափելի դարձնելու նպատակով։ Հայաստանի և Ադրբեջանի միջև սահմանների վերաբացումը և տարածաշրջանային կապի զարգացումը պետք է հնարավորություն տան, որպեսզի Հարավային Կովկասը կրկին դառնա լիարժեք համագործակցության տարածք՝ Եվրոպայի և Ասիայի միջև կապող օղակ։ Ֆրանսիան հույս է հայտնում, որ գործընթացը կշարունակվի Հայաստանի և Ադրբեջանի միջև խաղաղության պայմանագրի ստորագրմամբ և վավերացմամբ»,-«Արմենպրես»-ի հաղորդմամբ՝ նշվում է հայտարարությունում։
#Arménie/#Azerbaïdjan | Le 8 août 2026 marque le premier anniversaire de l’accord historique en vue de la normalisation des relations entre l’Arménie et l’Azerbaïdjan. Depuis un an, des gestes importants et courageux ont été consentis par les autorités des deux pays pour rendre… pic.twitter.com/UvPz7yEvNm
— Pascal Confavreux 🇫🇷🇪🇺 (@PorteParoleMEAE) August 8, 2026
Ֆրանսիայի արտաքին գործերի նախարարության խոսնակի խոսքով՝ Ֆրանսիան եվրոպական գործընկերների հետ միասին կշարունակի ակտիվորեն նպաստել այդ գործընթացին՝ Հայաստանի և Ադրբեջանի ինքնիշխանության ու տարածքային ամբողջականության լիակատար հարգմամբ։
2025 թվականի օգոստոսի 8-ին ԱՄՆ մայրաքաղաք Վաշինգտոնում ԱՄՆ նախագահ Դոնալդ Թրամփի միջնորդությամբ տեղի է ունեցել Հայաստանի վարչապետ Նիկոլ
Փաշինյանի և Ադրբեջանի նախագահ Իլհամ Ալիևի հանդիպումը, որի ընթացքում Հայաստանն ու Ադրբեջանը՝ ԱՄՆ նախագահի վկայությամբ, ստորագրել են համատեղ հռչակագիր։ Նույն օրը Հայաստանն ու Ադրբեջանը Սպիտակ տանը նախաստորագրել են խաղաղության համաձայնագիրը, որը կետերը կողմերն ավելի համաձայնեցրել էին։