Հորդանանը հաստատել է Իրանի կողմից իր տարածքի ուղղությամբ հրթիռների արձակումը

Հորդանանի հակաօդային պաշտպանության ուժերը լուսաբացին խոցել են իրանական հինգ բալիստիկ հրթիռ: «Արմենպրես»-ի փոխանցմամբ՝ այս մասին հաղորդել է թագավորության Զինված ուժերը։

Հորդանանի զինվորականները հայտարարել են, որ բոլոր հրթիռները կալանվել են և ոչնչացվել: Ըստ հաղորդագրության՝ ՀՕՊ համակարգերը «շարքից հանել են հինգ հրթիռ, որոնք արձակվել էին Իրանից և թիրախավորել թագավորության տարածքը»։

Ավելի վաղ Իրանի Իսլամական հեղափոխության պահապանների կորպուսը (ԻՀՊԿ) նույնպես հայտարարել էր, որ իր ռազմաօդային ուժերը բալիստիկ հրթիռներով թիրախավորել են Հորդանանում ամերիկյան ավիաբազային և ԱՄՆ զինված ուժերի կենտրոնական հրամանատարության շտաբին։