1 րոպեի ընթերցում
Սաուդյան Արաբիան հայտարարել է Եմենի հյուսիսում իշխող շիա ռազմաքաղաքական «Անսար Ալլահ» շարժման (հութիներ) զինված ուժերի կողմից արձակված երկու բալիստիկ հրթիռ որսալու մասին։
«Արմենպրես»-ի փոխանցմամբ՝ այս մասին հայտնում Aljazeera-ն։
Նշվում է, որ հրթիռները, որոնք խոցվել են Սաուդյան Արաբիայում տեղակայված հունական օդային պաշտպանության համակարգով, ուղղված էին Յանբու քաղաքի արևմտյան մասում գտնվող նավթավերամշակման գործարաններին։
Չնայած սաուդական կողմի այս հայտարարությանը, համացանցում, այդուհանդերձ, տարածվում են տեսանյութեր, որոնք ցույց են տալիս, թե ինչպես են հութիների կողմից արձակված որոշ հրթիռներ հարվածում Ջիզանում գտնվող Սաուդյան Արաբիայի «Արամկո» նավթային օբյեկտին։
Ավելի վաղ Սաուդյան Արաբիայի իշխանությունները կարճ նախազգուշացումներ էին տվել Ջիզան և Յանբու քաղաքների բնակիչներին, այն բանից հետո, երբ Եմենի հութիները խոստացել էին վրեժ լուծել Սաուդյան Արաբիայի կողմից ավելի վաղ իրականացված հարձակումների համար։