Իրավապաշտպան կազմակերպություններից մեկի անունից ուղարկվում են կեղծ նամակներ. Ոստիկանությունը քաղաքացիներին հորդորում է զգոն լինել
1 րոպեի ընթերցում
Հայաստանի ՆԳՆ ոստիկանությունը հաղորդագրություն է տարածել՝ քաղաքացիներին հորդորելով զգոն լինել և չվստահել կասկածելի աղբյուրներից ստացված նամակներին։
«Արմենպրես»-ի փոխանցմամբ՝ ՆԳՆ ոստիկանությունը, մասնավորապես, նշում է, որ իրավապաշտպան կազմակերպություններից մեկի անունից տարբեր կազմակերպությունների և քաղաքացիների ուղարկվում են կեղծ էլեկտրոնային նամակներ։
«Այդ նամակները կարող են պարունակել վնասաբեր կամ կեղծ հղումներ։
Հորդորում ենք նման նամակներ ստանալու դեպքում չսեղմել դրանցում առկա հղումները, չներբեռնել կցված ֆայլերը, չտրամադրել անձնական կամ բանկային տվյալներ և արգելափակել ուղարկողին։
Եղե՛ք զգոն և մի՛ վստահեք անհայտ կամ կասկածելի աղբյուրներից ստացված նամակներին»,-ասված է հաղորդագրության մեջ։