1 րոպեի ընթերցում
ՀԱՄԱՍ շարժման քաղաքական բյուրոյի նոր ղեկավար Խալիլ ալ-Հայյան կոչ է արել բոլոր պաղեստինյան խմբավորումներին միավորվել և համապարփակ ազգային երկխոսություն անցկացնել։ Նա այս հայտարարությունն արել է ընտրվելուց հետո իր առաջին քաղաքական ելույթում։
Ինչպես հաղորդում է «Արմենպրես»-ը՝ վկայակոչելով ՏԱՍՍ գործակալությունը, ալ-Հայյայի ելույթի տեսանյութը հրապարակվել է ՀԱՄԱՍ-ի Telegram-ի ալիքում։
«Մենք ձեռք ենք մեկնում բոլոր պաղեստինյան խմբավորումներին և ուժերին միավորվելու ընդհանուր հիմքի վրա՝ համաձայնեցված ազգային ծրագրի, որը ներառում է մեր ժողովրդի առաջնահերթությունների և նպատակների իրականացումը», - հայտարարել է ալ-Հայյան։ Նա հավելել է, որ միակողմանի գործողությունները այս փուլում անընդունելի են։
Ամփոփելով՝ շարժման քաղաքական բյուրոյի ղեկավարը կոչ է արել միջազգային հանրությանը և ՄԱԿ-ին ապահովել Գազայի հատվածում քաղաքացիական բնակչության պաշտպանությունը և պատասխանատվության ենթարկել Իսրայելին ռազմական հանցագործությունների համար։