«Հեզբոլլահ»-ի զինաթափումը հնարավոր է Իսրայելի ուժերի դուրսբերումից հետո․ Լիբանանի նախագահ

2 րոպեի ընթերցում

Լիբանանի նախագահ Ժոզեֆ Աունը հայտարարել է, որ «Հեզբոլլահ»-ի զինաթափումը հնարավոր է միայն մի շարք պայմանների կատարումից հետո, այդ թվում՝ Լիբանանի տարածքից իսրայելական զորքերի դուրսբերումից հետո։ «Արմենպրես»-ի փոխանցմամբ՝ այս մասին հայտնել է Լիբանանի նախագահի գրասենյակը։

««Հեզբոլլահ»-ը կարող է զինաթափվել, եթե մենք անկեղծ լինենք այն մասին, թե իրականում ինչ է պահանջվում՝ օկուպացիայի վերացում, բանակի կողմից լիակատար վերահսկողության ստանձնում և վերակառուցման ծրագիր, որը կկառավարվի բացառապես պետության կողմից», - ասել է Աունն ԱՄՆ կատարած պաշտոնական այցի ընթացքում Վաշինգտոնում Լիբանանի դեսպանատան կողմից կազմակերպված ընթրիքի ժամանակ իր ելույթում։

«Լիբանանը չի կարող անվտանգ կամ միասնական լինել, եթե այն միասնական պետություն չէ՝ միասնական բանակով, որը պաշտպանում է բոլոր լիբանանցիներին առանց խտրականության», - հավելել է Աունը։

Իր հերթին, ԱՄՆ-ում Լիբանանի դեսպան Նադա Համադա Մոավադը հայտարարել է, որ նախագահ Աունի այցն արտացոլում է Բեյրութի հանձնառությունն՝ ամրապնդելու իր պատմական հարաբերությունները Վաշինգտոնի հետ և աշխատելու իրականացնել Լիբանանի ժողովրդի ձգտումներն ինքնիշխանության, տարածքային ամբողջականության և անվտանգության վերաբերյալ։

Վաշինգտոնում Լիբանանի դեսպանության կողմից կազմակերպված ընթրիքին նաև մասնակցել են Կոնգրեսի մի շարք անդամներ և ԱՄՆ վարչակազմի պաշտոնյաներ։

Աունը Վաշինգտոն այցի ընթացքում նաև հանդիպել է ԱՄՆ նախագահ Դոնալդ Թրամփի հետ։

Միացյալ Նահանգներ

Դոնալդ Թրամփը Ժոզեֆ Աունի հետ հանդիպմանը խոստացել է օգնել Լիբանանին

Հայերեն Русский

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն