Լիբանանյան զորքերը սկսել են տեղակայվել երկրի հարավում՝ Իսրայելի ուժերի դուրսբերումից հետո

2 րոպեի ընթերցում

Լիբանանի բանակը հայտնել է, որ իր զինվորները սկսել են տեղակայվել հարավում գտնվող Զաուտար ալ-Ղարբիա քաղաքում՝ ԱՄՆ-ի միջնորդությամբ կնքված համաձայնագրի շրջանակներում այդ հատվածից իսրայելական ուժերի դուրսբերումից հետո։ «Արմենպրես»-ի փոխանցմամբ՝ այս մասին հաղորդում է Al Jazeera-ն։

«Բանակի հրամանատարությունը կրկին կոչ է անում քաղաքացիներին չմտնել քաղաք մինչև անվտանգության իրավիճակի կայունացումը և հետևել տեղակայված ռազմական ստորաբաժանումների հրահանգներին՝ իրենց անվտանգության համար», - նշված է բանակի հայտարարության մեջ։

Իսրայելն այս առնչությամբ դեռևս մեկնաբանություն չի արել։

Ավելի վաղ ԱՄՆ պետքարտուղարությունը հայտարարել էր, որ Զաուտար ալ-Ղարբիան այն երեք հարավային տարածքներից մեկն է, որտեղ փորձարկվելու է ԱՄՆ-ի միջնորդությամբ կնքված համաձայնագրի իրականացումը։

«Փորձնական գոտիների» մեջ մտնող մյուս տարածքներն են Ֆրուն և Սրիֆա գյուղերը:

Ըստ հեռուստաալիքի՝ տեղի որոշ բնակիչներ նշել են, որ իսրայելական զորքերը երբեք ներկա չեն եղել գյուղերում:

Ավելի վաղ Իսրայելի հրամանատարությունը հայտնել էր, որ ծրագիրը սկսել է իրականացվել, սակայն չի հաստատել հարավային Լիբանանից ստորաբաժանումների դուրսբերման սկիզբը:

Հունիսի 26-ին Իսրայելը և Լիբանանը Վաշինգտոնում ԱՄՆ միջնորդությամբ ստորագրեցին շրջանակային համաձայնագիր, ըստ որի իսրայելական զինվորականները փուլ առ փուլ դուրս կբերեն իրենց զորքերը Լիբանանի հարավում գտնվող իրենց զբաղեցրած վայրերից, որից հետո Լիբանանի զինվորականները կվերահսկեն անվտանգության միջոցառումները և կհսկեն «Հեզբոլլահ»-ի զինաթափումը։

Հայերեն Русский

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն