Էնդի Բըրնհեմն ընտրվել է Լեյբորիստական կուսակցության առաջնորդ և կդառնա Մեծ Բրիտանիայի հաջորդ վարչապետը

1 րոպեի ընթերցում

Մեծ Մանչեսթերի նախկին քաղաքապետ Էնդի Բըրնհեմն ընտրվել է իշխող Լեյբորիստական կուսակցության նոր ղեկավար, ինչը ճանապարհ է հարթում, որ նա դառնա Մեծ Բրիտանիայի հաջորդ վարչապետը՝ փոխարինելով հրաժարականի դիմում ներկայացրած վարչապետ Քիր Սթարմերին։

«Արմենպրես»-ի փոխանցմամբ՝ BBC-ն հաղորդում է, որ կուսակցության ղեկավարի պաշտոնում Բըրնհեմի թեկնածության օգտին քվեարկել է 379 պատգամավոր։

Սթարմերը վարչապետի պաշտոնը կզբաղեցնի մինչև հուլիսի 20-ը։ Այդ օրը Սթարմերը կայցելի Չարլզ 3-րդ թագավորին, կհրաժարվի պաշտոնից, որից հետո Բուքինգհեմյան պալատ կգնա Բըրնհեմը, և թագավորը նրան կխնդրի կառավարություն կազմել, որից հետո Բըրնհեմը կդառնա Մեծ Բրիտանիայի վարչապետը։

Լեյբորիստական կուսակցության առաջնորդ ընտրվելու առթիվ իր ելույթում Բըրնհեմը հայտարարել է, որ «պատրաստ» է, և խոստացել է զգալի փոփոխություններ բերել։ Նա խոստացել է իշխանության վերահավասարակշռում՝ տեղական իշխանություններին և քաղաքապետներին տալով ավելի շատ իշխանություն։ Նա նաև նշել է, որ ներգաղթի մակարդակը պետք է նվազի։

Բըրնհեմը նախատեսում է վարչապետ դառնալուց հետո օգոստոսին ճանապարհորդել երկրի տարբեր շրջաններում և «լսել»։

Հայերեն

Երևանը կընդունի բասկետբոլի Մ16 տարեկանների ԵԱ-ն

ՀՖՖ նախագահի թեկնածուները երկուսն են

«ՀՀ վարչապետի գավաթ» մրցաշարի նպատակներից է առողջ և ազնիվ մրցակցությունը երեխաների շրջանում խթանելը. Փաշինյան

«Հայաստանի AI հնարավորությունը. գաղափարից՝ գործողություն» խորագրով քննարկում

Տելեկոմից մինչև ֆինտեխ, էներգետիկա, լոգիստիկա և ավելին. Team Group-ը Digitec-ում թվային նոր լուծումներ ու հարթակներ է ներկայացնում

Երևանի լողի թիմերը հաղթեցին «ՀՀ վարչապետի գավաթ» դպրոցականների մրցաշարում

Նախարարը հաջողություն է մաղթել դպրոցականների լողի մրցաշարի եզրափակիչ փուլի մասնակիցներին

Հայկ Մարտիրոսյանը «Total Chess World Championship Tour Pilot 2026»-ում զբաղեցրել է 9-րդ հորիզոնականը

ԱրարատԲանկը տեղաբաշխելու է «Ֆարմ Կրեդիտ Արմենիայի»՝ Հայաստանում առաջին սոցիալական պարտատոմսերը

Աբովյան համայնքին է վերադարձվել Հատիս փողոցում գտնվող հողամասը. Գլխավոր դատախազություն