2 րոպեի ընթերցում
Առնվազն յոթ իրանցի զինծառայող է զոհվել հուլիսի 15-ի գիշերն Իրանի հարավ-արևելքի Բամփուրի շրջանի ռազմակայանին ԱՄՆ-ի հարվածի ժամանակ։ «Արմենպրես»-ի փոխանցմամբ՝ այս մասին հաղորդում է Tasnim լրատվական գործակալությունը։
Ըստ հրապարակման՝ Վաշինգտոնը հարվածներ է հասցրել Իրանի ցամաքային ուժերի ռազմակայանին՝ արձակելով 13 հրթիռ։ Նշվում է, որ ևս քանի մարդ վիրավորվել է, նրանց օգնություն է ցույց տրվում։
Իրանի բանակում ընդգծել են, որ առանց պատասխանի չեն թողնի ամերիկյան կողմի գործողությունները։
«Իրանը վճռական պատասխան կտա ամերիկացի թշնամու ագրեսիվ գործողություններին», - հայտարարել է Իրանի զինված ուժերը։
Իր հերթին, Իրանի կառավարության խոսնակ Ֆաթեմե Մոհաջերանին հայտարարել է, որ վերջին օրերին ամերիկյան հարվածների հետևանքով զոհվել է ավելի քան 30 խաղաղ բնակիչ։
Վերջին օրերին ԱՄՆ-ի և Իրանի միջև լարվածությունն զգալիորեն սրվել է։ ԱՄՆ ԶՈւ կենտրոնական հրամանատարությունը հայտնել է, որ հուլիսի 15-ի գիշերը հերթական հարվածներն են հասցրել Իրանի ռազմական օբյեկտներին: Իրանն իր հերթին հայտնել է տարածաշրջանում տեղակայված ամերիկյան օբյեկտներին հարվածելու մասին։