Ագաթանգեղոսի 7 հասցեում շարունակվում են բարեկարգման աշխատանքները․ տարածքը կվերածվի նոր հանրային գոտու
1 րոպեի ընթերցում
Երևանի Ագաթանգեղոսի 7 հասցեում շարունակվում են տարածքի բարեկարգման աշխատանքները։ Այստեղ ապամոնտաժվել են ապօրինի տեղադրված կրպակները, իսկ տարածքն այժմ վերափոխվում է՝ քաղաքացիների համար ավելի հարմարավետ և բարեկարգ միջավայր ստեղծելու նպատակով։
«Արմենպրես»-ի հաղորդմամբ՝ Երևանի քաղաքապետարանի կայքում հրապարակված տեսանյութում նշվում է, որ տարածքում կառուցվում է նոր խաղադաշտ, որը նախատեսված կլինի երեխաների ակտիվ հանգստի և խաղերի համար։ Աշխատանքների ավարտից հետո բնակիչները կունենան անվտանգ և ժամանակակից հանրային տարածք՝ հանգստի ու ժամանցի կազմակերպման համար։
Երևանում հանրային տարածքների բարեկարգման ծրագրերի շրջանակում շարունակվում է քաղաքային միջավայրի վերափոխումը՝ նպատակ ունենալով ստեղծել ավելի հարմարավետ, հասանելի և բնակիչների կարիքներին համապատասխան պայմաններ։