Փեզեշքիանը հայերենով շնորհակալություն է հայտնել Փաշինյանին՝ Ալի Խամենեիի հրաժեշտի արարողությանը մասնակցելու համար
2 րոպեի ընթերցում
Իրանի Իսլամական Հանրապետության նախագահ Մասուդ Փեզեշքիանը շնորհակալություն է հայտնել Հայաստանի Հանրապետության վարչապետ Նիկոլ Փաշինյանին և վերջինիս ուղեկցող բարձրաստիճան պատվիրակության անդամներին՝ հուլիսի 3-ին Թեհրան այցելելու և Իրանի Իսլամական Հանրապետության հանգուցյալ հոգևոր առաջնորդ Ալի Խամենեիի հրաժեշտի արարողությանը մասնակցելու համար։
«Արմենպրես»-ի հաղորդմամբ՝ Իրանի նախագահի հայերեն շնորհակալագիրը տարածվել է նրա X-ի միկրոբլոգում։
Appreciation to the Prime Minister of Armenia, Mr. Nikol Pashinyan, for attending the farewell and State funeral the martyred Supreme leader.@NikolPashinyan pic.twitter.com/V2VrO4Nzg1
— Masoud Pezeshkian (@drpezeshkian) July 8, 2026
«Մենք երբեք չենք մոռանա բարի կամքի դրսևորումը։ Հույս ունեմ, որ Իրանի և Հայաստանի երկու վեհ ժողովուրդների միջև պատմական ու բարեկամական հարաբերությունները, որոնք մշտապես հիմնված են եղել փոխադարձ շահերի, բարիդրացիության սկզբունքի և փոխադարձ հարգանքի վրա, կշարունակեն էլ ավելի զարգանալ»,-ասված է Փեզեշքիանի ուղերձում։
Նրա խոսքով՝ Իրանի հանգուցյալ հոգևոր առաջնորդը մշտապես ընդգծել է Հայաստանի հետ հարաբերությունների ամրապնդման կարևորությունը և Հայաստանին անվանել է «ազնիվ հարևան»։
«Մեր քաղաքականությունը երկկողմ հարաբերությունների համակողմանի ամրապնդումն ու զարգացումն է»,- գրառումը եզրափակել է Իրանի նախագահը։