1 րոպեի ընթերցում
Եվրոպական խորհրդի նախագահ Անտոնիու Կոշտան կմասնակցի Անկարայում հուլիսի 7-8-ը կայանալիք ՆԱՏՕ-ի գագաթնաժողովին: «Արմենպրես»-ի փոխանցմամբ՝ այս մասին հաղորդել է Եվրոպական խորհրդի մամուլի ծառայությունը:
«Եվրոպական խորհրդի նախագահ Անտոնիու Կոշտան հուլիսի 7-8-ը կայցելի Անկարա։ Երեքշաբթի օրը (հուլիսի 7-ին) նա կմասնակցի ՆԱՏՕ-ի ղեկավարների ընթրիքին։ Չորեքշաբթի օրը (հուլիսի 8-ին) Եվրահանձնաժողովի նախագահ Ուրսուլա ֆոն դեր Լայնեի հետ միասին նա կհանդիպի Թուրքիայի նախագահ Ռեջեփ Թայիփ Էրդողանի հետ», - նշված է հաղորդագրության մեջ:
Էրդողանի հետ հանդիպման ընթացքում Կոշտան և ֆոն դեր Լայենը կքննարկեն ԵՄ-Թուրքիա երկկողմ հարաբերությունները։
ՆԱՏՕ-ի գագաթնաժողովի աշխատանքային ընթրիքը, որը տեղի կունենա հուլիսի 7-ին, նվիրված կլինի ռազմավարական հարցերի քննարկմանը, մասնավորապես՝ ԵՄ-ի և ՆԱՏՕ-ի միջև փոխգործակցությանը: Հուլիսի 8-ին կկայանա լիագումար հանդիպում՝ միայն ՆԱՏՕ-ի 32 երկրների ղեկավարների մասնակցությամբ, որտեղ կքննարկվեն դաշինքի երկրների կոնկրետ ռազմական պարտավորությունները: